قصيده في بطاح العجمي رحمه الله

[الماس؟؟]

توكلنا على المعطي الكريم الرازق الفتّاح
حبى عبده من أقداره ورضى عبده من أقداره

فهو ذا يعطي الأرواح وهو ذا ياخذ الأرواح
وإذا شاء جاء خذا عبده ولايستأذنه داره

ينام ابن آدم حي ويموت ابفلقة الإصباح
ولايامن صدوف الوقت لا حزّت له أغداره

عسى الله يرحم الموتى ويشفي حيّنا لا طاح
وعسى راعي الحزن يصبر ويتغلب على أكداره

بلغنا يانسابتنا مفارق بن نفل بطّاح
من العجمي بني نسله كريمٍ حط مقداره

على روس الرجال اللي عطاهم للكرم مفتاح
ووصّى ينعمر سقفه ولايتهايل اجداره

بنى خلفه رجال العز وأقفى للزمن مرتاح
ضمن ما لمت ايدينه لتوريده ومصداره

سكن تحت الثرى وأهدر دموعٍ هزت الأضراح
وبكت غيمه على الفرقا وسال الريع لأحداره.

محمد عبدالرحمن ال دعيا

[الـعـابـر]

صح لسانك

[زبون المجنى]

رحمة الله عليه وصح لسان الشاعر

[أبوراس اليامي]

صح لسانك وقصيده جزله