حيث كنا مجموعه نتراسل عبر الجهاز الاسلكي (الكنود) وطرح البجادي قصيده على الجهاز للمجاراه علما بانه شاعر دقيق الوصف وسجلت بمسجل عبر الجهاز وكلن ادلا بدلوه وجاريته ضمن المجموعه بهذه القصيده وطرحت كل المجاريات للتصويت لمده اسبوع وقد حققت هذه القصيده حمر الشفايف على نتيجه (...........) وانني ارغب بسماع ارائكم بها وبعدها اعلمكم ماذا حققت
قصيده البجادي:
ياللي تلوم البجادي لاتلومونه=لو يزرع الورد والكادي بسكتها
هذا ماتذكرته منها الان وانا اعرف المجاراه ماتتضح صورتها ومتعتها الا بوجود القصيده الاولى لكن والله ماهي عندي وبحثت عنها ولم اجدها.
(((حمر الشفايف)))
صحيح ماني سوات اللي يلومونـه=ناس تبا الحب ماتكتـب بدايتهـا
اعجبني المبدع الرسـام بفنونـه=بأوصاف من تذبح العاشق بمشيتها
لاقت لعينه وتزهـا رايـع لحونـه=يوم البجادي خذاه الشـوق يمتهـا
ذكرني اللي مضى بالحب وفنونـه=ايام وقت الغلا مع زين عشرتهـا
مع قايد الريم لي ساعات مشطونه=كتبت عن وصفها بكسب محبتهـا
معنق الريم من وصفه ومن لونـه=والطوق ياهل الهوى تزهاه لبتهـا
والخد برق سرى في عالي مزونه=ليا كشف تستنير الارض ساعتهـا
والعين سودا وفيها ارماح مسنونه=نظرة عطب للمهاوي وقت لحظتها
وإلا جديله على الردفين يزهونـه=شقر تمايل علـى الارداف لفتهـا
حمر الشفايف لها رونق ومزيونه=وبين الشفايف ثمانه حلو صفتهـا
اقفى وانا اقفيت كل تذرف عيونـه=ولمحتها تمسح الدمعـه بخدتهـا
اقفى مع البدو حال البعد من دونه=لاهي قريبه ولانـي مـن قبيلتهـا
تسابقتها بيوت الشعـر يهوونـه=وسجلت بأوصافها بدق وصفتهـا
عشاقة الزين بالزينـات مفتونـه=ماهو بأنا كم قبلي مـن ضحيتهـا
كتبت قصه غـرام فيـه مجنونـه=من دم قلبي ومن عيني وعبرتهـا
25-12-2005, 01:03 AM
العرض العادي
