.....@@(( عـــجـــمــان ))@@.....

[مهرة الصمان]

المشاركة الأصلية كتبت بواسطة غازي الرسمان

بسم الله الرحمن الرحيم
اخواني الاعضاء الكرام

السلام عليكم ورحمة الله وبركاتة
تحية طيبة وبعد,,,

وهذي القصيدة تعلن لأول مره وسوف تلقى في الصبوحه الشعريه

وأقدمها أهداء خاص إلى أعضاء شبكة قبيلة العجمان

هذه القصيده الى من ادعى الى الكمال فان الكمال لله سبحانة ومن إدعى للفراسة وهو ليس فارس





بديت بسم اللي له الانس والجان
................... الواحد المعبود رب المخاليق

ومن بعد ذكر الله نحييك يافلان
.................... رميت نفسك جابك الله على الضيق

تعال قرب زان مرماك لي زان
.................... يا ذيب وش بدل عواك ابتناهيق

تبي تحداني تراك انتا غلطان
.................... هذي كبيره من كبير المطافيق

إسمع قصيدٍ كاتبه إبن رسمان
.................... اسمع قصيدي ولا أبي منك تعليق

ياللي تقول اقوال زيفن وبهتان
.................. الحكي واجد والسواليف تلفيق

يا جاهل الجيلين في كل الازمان
...................... مثلك كذوب وعارفن للتساريق

ياالواطي اللي ماوزنها بميزان
....................... الله عماك وجيت من قبل لا تفيق

إن كانها بالشعر نعطيك الالحان
.................... اكتب قصايد لين ينشف بك الريق

اترك ضعيف القاف واعطيك مليان
...................... وابني بيوت الشعر قولن وتصديق

جيتك إبشعرن يتبعه زين الاوزان
....................وقف بعيد ولا تجي للطواريق

ظلمت حظك يا النذل رد منهان
....................... يا بايع الذمه ترا كذبك يويق

حنا خلقنا الله لضد عدوان
..................... اعوال مرزوق ارتقو بالشواهيق

اليا انتخو ربعي على الضد عجمان
..................... يشهد لنا التاريخ قطع المعاليق

حنا سلاطين العرب بين الاوطان
,....................... وحنا شياطين الحروب وصواعيق

حنا هل الطولات بالحرب فرسان
.................. وقت الشدايد انفرق الشمل تفريق

حنا ملوك الارض في كل ميدان
..................... وحنا الكرم مابين كل المخاليق

من خلقت الدنيا وعجمان عجمان
................... نورنٍ سطع بالجو وقت التشاريق

هذي النهايه وافيه رد منهان
................ الحر مثلي عاليٍ في الشواهيق
ـــــــــــــــــــــــــــ

ـــــــــــــــــ

صح لسانك يابن رسمان والعجمان يستاهلون ماقلت

ابيات رائعة ومن رائع

تقبل كل شكر وتقدير