السلام عليكم ورحمة الله وبركاته
راشد بن حسن بن الذيب العجمي
الشاعر راشد بن حسن رجل مشهور بطيبه وحبة للمساعده ويقال انه كان موظف في شركة تنقيب تعمل لصالح ارامكو في ذلك الوقت وكانت وظيفته سواق " لوري " وهو نوع من الشاحنات القديمة متوسطة الحجم
المهم راشد كان يتحين الفرص عشان يمر ربعه وجماعته ويساعدهم في نقل امتعتهم على سيارته اذا انتقلوا من مكان لمكان اخر في البر
ذاع صيته واشتهر بمساعدته للناس وتقديم خدمة النقل
ويوم من الايام طرح عليه احد زملاءه في العمل فكرة اخذ المال مقابل نقله الامتعه للناس وفي يوم كان محتاج للمال وفي طريقه حصل عجوز تعد اغراضها وخيمتها للرحيل فاستوقفته وهي لا تعرفه وهو لا يعرفها فطلبت منه نقل امتعتها على سيارة " اللوري "
المهم وبما انها ليست من جماعته ولا تعرفه وهو محتاج للمال خطرت في باله فكرة زميله فقال للعجوز بثلاثة ريال
المهم قالت " جعل منت راشد " فارق وبرسل احد يصوت لراشد ولد الذيب يودينا بدون كروه
المهم كبرت المصيبه عليه وكيف ان صيته وصل لجميع البدو فانشد هذه القصيده وساعد العجوز بدون مقابل
و قال القصيده
قالها إبن الذيب من هاجوس بالـه كلمةٍ يلعـب بهـا والبـال زينـي
قالها يومـه طرالـه مـا طرالـه .من هواجيسٍ تشيب المرضعينـي
غرّني بعض الرجال بكثـر مالـه مادر ى إن الموت في حبل الوتيني
كيف ينفعني وبعض الناس خالـه ما يدوم البيت كان الساس طينـي
ماش وين اللي عوايـده الشكالـه مثل إبن ظافر حمد ليتـه يجينـي
الثنا والجـود دايـم فـي خيالـه علّمـه ظافـر سلـوم الطيّبينـي
جـوّد العليـا ولزّمهـا عيـالـه .و أدركوا من علمته دنيا ودينـي
واهني من باع حظّـه وإشترالـه سار في درب النبي وأخزا اللعيني
موقفـه ماكـل رجّــالٍ ينـالـه ومن بغا ممشـاه يقعـد مرّتينـي
وكم ذبح من حايلٍ من حـر مالـه وعادته لطمـة خشـوم العايلينـي
حالفٍ ماخذ على الطرقـي ريالـه وبالثلاث محرّم إنها مـا تجينـي
لا لقيت اللي على السكّـه لحالـه يلتفت ويقول : وين المستحينـي
أوقف الموتر حيا وأبغـا الجمالـه .يوم ولد اللاش وجهه ما يلينـي
والطمع في كرّوة الرجلـي رذالـه خصّ به وإن جا مجال الغانمينـي
والردي في حالـةٍ ماهيـب حالـه يا عوينـه مـن كـلام الطيّبينـي
الولد وإن طاب قالوا : من خوالـه بالخـوال يسـال قبـل الوالدينـي
وأركبه لعيون مـن زيـنٍ دلالـه ما تحاكوا فـي قفـاه الرامسينـي
ما بغى غيري وأنا مابغـا بدالـه قاعدٍ لـي بالرجـا مـدّة سنينـي
ما قعدنـا فالعمـل نبغـا الرزالـه ناخـذ العليـا طريـق الفايزينـي
وأشرب الفنجـال وأكـب البيالـه تابـعٍ سلمـي سلـوم الأولينـي
وسلااااامتكم
28-03-2006, 07:37 PM
العرض العادي
