قصيده رثائيه للشاعر ((محمد ابن الذيب))

gravity · #1 02-04-2006, 07:53 PM

السلام عليكم ورحمه الله وبركاته

أعضاء وعضواه منتدى العجمان الكرام..

الكثير من الشعار أنتظرو مرثية الشاعر الكبير محمد ابن الذيب في رثاء ابن عمه الشاعر المرحوم حسن بن مانع الرحيان وها انا اطرحها بين ايديكم وانشاء الله تحوز على اعجابكم ..

لأيامنا نظام متغيــر وللدنيا طقوس=وافكارنا قد تختلف فيما نحس وتحتوي
بعض النفوس من الحزن تشره على بعض النفوس=غير النفوس نفوس لا تشبع ولاهي ترتوي
ياليت هالعالم سوى في الحزن حتى ما ندوس=على مشاعر غيرنا وقلوبنا ما تنكوي
قولو لساره بنت ستر القوم والحد محروس=ابيش ماهو من ضعاف القوم طافين الضوي
تفاخري يالعيطموس وسولفي يالعيطموس=وأرقي على متن السحاب وخلي الذيب يعوي
الحزن وسط القلب مثل النبت في القاع مغروس=وعزومنا مثل النجوم تغيب لكن!! ما تهوي
وانا من الشعار شاعر ما تتعبه الهجوس=إليا نويت اسري وأنا شفقان والليل اسروي
يامل قلب(ن) كل ما مال الغصن والريح كوس=قامت عروقه تشتبك ورى الضلوع وتلتوي
وبدت على الوجه الرضي علامه الوجه العبوس=حتى استوي مقامها لو انها ما تستوي
الي ذوي ركابه الخيل ورى صلف التروس=البارحه ماكن لي فـ ركون ذا الديره ذوي
ياسل حالي سل كبد(ن) في طرفها شق موس=والحزن ياكل في طرفها الآخر وهي تنزوي
ورحمة الله وبركاته ياحفيد اللي تروس=اللي تروس وكثرهم لكنهم بعدك شـــوي !
لو ان مالك عيد يحسب لك مثل عيد الجلوس=انت اكرم من الفاطمي وانت اشرف من الأموي
تكفى يا بو ماجد اثر الحزن منطقه معكوس=أقولها وانا سوي واقولها مانيب سوي !
أول ماودعتك وأنا خاابرك ضرس من الضروس=دنقت راسي حاذف(ن) روحي وقدني محتوي
ولاذكرت من التجارب والعبر ولا الدروس=إلا انت يا ابن العم والمحزم و مقباس الخوي
ارتاح للعبد القوي إلا فذا اليوم العبوس=أرتحت للعبد الضعيف أكثر من العبد القوي
يوم اجتمعنا عند قبرك لو ما تسترنا اللبوس=يمكن أقول ان حن مع اللي طوقو لابن جلوي

أختــــكم الســـولعيــــه

أبـــوسعـــــود · #2 02-04-2006, 08:49 PM

رحمه الله ابوماجد .........

مدرسه في المرجله والطيب......

ولاذكرت من التجارب والعبر ولا الدروس
إلا انت يا ابن العم والمحزم و مقباس الخوي
ارتاح للعبد القوي إلا فذا اليوم العبوس
أرتحت للعبد الضعيف أكثر من العبد القوي

صح الله لسان بن الذيب على المرثيه......

الله لايهينش على ذالنقل .......الممتاز.

وضاح0 · #3 02-04-2006, 10:59 PM

شكراً اخي محمد على هذا الابداع الذي يعبر بما في مشاعرنا والشكر موصول لاختي السولعيه

صـــبـــــــــا · #4 02-04-2006, 11:30 PM

صح لسان شاعر العجمان الأول محمد بن الذيـــــب على ذالمرثيه النابعه من القلب

مرثيه مؤثره ....الله يرحم ابو ماجد وماجد ويسكنهم الجنه ....أنشهد انهم فقيده والله يصبر اهلهم ...

مشكوره يالسولعيه على طرحك الرائع مبدعه دائما .....

تحيتي لك ::: صــــبــــــــــأ

النقال · #5 03-04-2006, 01:37 AM

الســــــــــــــــــولعية

الله يعطيك العافية ويطوّل بعمرك على المشاركة

اللذي يعجز الكثير من الأتيان بمثلها

كما أقول لشاعر الخليج الأول صح الله السانه

ودمتي بخير

أخـــــــــــــــــــــــــــــــــــوك

النقـــــــــــــــــــــــــــــــال

فلاح بن ملبز · #6 03-04-2006, 05:01 AM

الله يرحم ابو ماجد وماجد برحمته يارب ويغمد روحهم الجنه

الســــــولعية

صح لسانش ولسان شاعرها الأبهق المبدع المتميز ملك الشعر / محمد بن الذيب

ويعطيش الف الف عافية على هالطرح الرائع والمتميز

ولاهنتي

gravity · #7 03-04-2006, 06:45 PM

مليحان

وضاح

صبــــا

النقال

فلاح بن ملبز

يعطيكم العافيه ولاهنتـــو ..
وصحة أبدانكم جميع..
وختمنا المرثيات في مرثيه لابن الذيب ...
وانتظرو المزيد في قسم الشعر عن قريب انشاء الله ( طبعا غير المرثيات)

لكم مني خالص الشكر والاحترام ..

العرندس · #8 03-04-2006, 08:05 PM

الله يرحم ابوماجد وولده ماجد ويسكنهم الجنه

وصح لسان محمد ابن الذيب

ويعطيك العافيه اخت السولعيه على النقل

وتقبلي تحياتي

أشهب الـلال · #9 03-04-2006, 10:57 PM

الله يرحهم

أبوماجد هو الذي اوصل محمد أبن الذيب لمطار الكويت في أخر زياراته لها مُتجه إلى لندن،

والشاهد في قوله :

لاحول ولا قوه ألا بالله

لاهنتِ

أختي السولعيه

ويعطيك ألف عافيه

لنا شوق لجديدك

تقبلي تحياتي

أخيك

وضاح0 · #10 04-04-2006, 12:30 AM

شكراً سولعيه على هذا المجهود الرائع وننتظر المزيد من الابداع وبالتوفيق انشاء الله