قصيدة شاعر تولع بالطير والقنص واعجبتني جدا قافيتها

[بنت الصناديد]

قصيدة شاعر تولع بالطير والقنص واعجبتني جدا قافيتها لشاعر فواز بن عبدالله

في الطير والمقناص والصيد لي شف =وانا مولع بالمقانيص عشاق
في خايع(ن) صب المطر فيه وارعف =لين اكتست ريضانه بخضرالاوراق
قامت بروق المزن فوقه تكاشف = تنثر حقوق الما عقب برق براق
قفر(ن) من الدياج ولافيه وقف =راعي الحلال ولا بعدجاه طراق
مافيه كود الصيد رف(ن) على رف =اجوال زرقان المعارف والعناق
لاشافها القناص بالعين يختف= قام يتسابق يمهن هو والاشراق
ودور مشاريف على الجو واشرف= وخبر بطيره مابعد قيل عتاق
يوم اعتلاهن يرفع الطير بالكف=عطب المضارب فالهدد طير الاوفاق
قام يتزاين ثم صغا الوجه وانضف=ثم انطلق سبقه على الجول ينساق
واعلق بخربن والحباري ترادف= في روضهن من خوف فراي الاشناق
سلمان مامثله على الطير يوصف=وافي الانظار الصقاقير سراق
اشقر غواطي نايف الطول واهدف= واليا نطحته كنه الشاش شواق
عريض في صدره طويل النوايف=تملا يدك فخذه قصير(ن) من الساق
بين المواطي يدخل الكف ماحف= ساقه ولاحجل(ن) علق فيه مسباق