اعلان هام للجميع..ارجو الدخول للأهميه؟؟؟

[سالم بن جخير]

عزام وش حالك عساك طيب

الحمد لله اني كتبت هذا الموضوع وانا فالنعيريه لو اني فالكويت يمكن اني فالرازي اللحين

على العموم انت مشرف نشط ماشاالله عليك لكن انت اكثر واحد انا حريص على تغيير اسمه وطبعا فضلا وليس امرا

ثاني شي اذا الواحد يقول انا انعرفت فالمنتدا ولايمكن اغير ياخي اكتب اسمك تحت اسمك المستعار وفيه منتديات سوت الخطوه هذي ونجحت وانا ماتكلم عنك انت ياعزام وبس انا كلامي شامل لكن من غلاك نصيتك الحكي

والامر الان في يدين الاعضاء جميع ويد الله مع الجماعه وقال استتو وعتدلو قال بلا انا وانت وانا طلبي بس في الشعبي يتم التغيير حتى يصير هناااك مصداقيه

وعفاك ياذيبان

[صقر العجمان]

هدو اعصابكم ياشباب

هذا منتدى ديموقراطي كل واحد حر بنفسه

ليش اكتب اسمي واسم ابوي

..ــــ..ـــــ..ــــ..ـــــ..ــــ..ــــ
وجهة نظرك يااسالم على العين والراس لكن في بعض الناس ياخي الكريم اسمه مثلا

خنيفس ..قريعيص ..ذبلان ..

صعب يكتب اسمه كذا يحط اسم مستعار ازين

مشكور على وجهة نظرك يااااااستاذ

مع السلامة

[سالم بن جخير]

ارررحب ياصقر العجمان وشحالك وبعدين اعصابنا في ثلاجه واخوان وبيننا كل محبه وتقدير

وبعدين اسما الرجاجيل ماتعيبيهم لو انها تعيبهم كان اسما جدانا وشيبانا ماكتبناها

وانت احترمك واحترم وجهت نظرك ولاهنت يالغالي


لكن عندي سؤال وارجو الاجابه عليه نفداك


ودي اسئل هل الصوره اللي فالتوقيع لك اذا الجواب بنعم فاعتقد ان اللي بيعرف صورتك عارف اسمك فلماذا حاط اسم مستعار

واذا ماهي لك هذا باب وله جواب


اشكر لك تواجدك عزيزي

ودعتك الله

[صقر العجمان]

مرحبا مليووووووووووووووووووون

اخوي الكبير سالم

الشي اللي يثبت انه مسالة الاسم المستعار شي عادي ومتعارف عليه وكشي صار حلو بين الاعضاء اني حطيت صورتي وانا اسمي مستعار يعني مافي شي

متاكد لو تقول لاي عضو حط صورتك يقولك ابشر تقوله غير اسمك المستعار يمكن يقول لا

على العموم انا حبيت اشارك في موضوعك وابدي لك وجهة نظري يالغالي

ولو انه كان لازم اضم صوتي لصوتك احتراما لك .

لكن وجهة النظر حق مشروع للكل

مشكووووور يالغالي

[عريـ الســـاس ــــب]

بن جخير مشكور على هذا الموضوع لكن عندي تعقيب عليك اذا كان صاحب الأسم المستعار لايريد وضع اسمه فهو حر بما يفعل ولا انا ولاانت يقدر على اجباره وهذا الكلام لاينطبق عليك بل علي وعلى الاسماء المستعاره .
واعطيك مثال وليس بمقارنه لانهم نجوم في سماء الشعر مثل منادي وهو صاحب السمو الامير سعد بن سعود الكبير . واسير الشوق والعطيب وغيرهم كثير.
فبذلك اطلب من المراقبين الاهتمام والاهتمام بالشعر .
وتقبل تحياتي .

[سالم بن جخير]

صقر العجمان


مرحبا للمره الثانيه

واختلاف الراي لايفسد للود قضيه

ولاهنت ودعتك الله يالذيب

[عبدالناصر آل عبدان]

اررررحب يا ابونادر


وصل سلامك فديتك





ولباااا كبدك ياعريب الساس

[سلطان القحطاني]

اخي واستاذي سالم بن جخير

والله ماقلت الا الصحيح طال عمرك خصوصا قضية الوزن

للاسف هناك من يطبلون لمجرد التطبيل

انا ودي كلمة صح لسانك تكون اغلى من كذا

ومشكور على الاقتراح الجميل

[سالم بن جخير]

ارررحب ياعريب الساس

وانا ماجبرت ولا فرضت رايي على احد يعلم الله

وكلامي واضح جدا


ولكن الشعراء اللي ذكرتهم افصحوا عن اسمائهم فالاخير

وهذا يرجح كلامي

وانا مافرض على احد كلامي لكن من باب الغلا والتقدير لكم قلت الكلام هذا

ودمتم

[سعد بن صياح]

ابن جخير مسيـــك بالخير


بداية اسوق عذري للجميع لني مقصر ومقل التواجد في المنتدى

وانا اسف جدا على قرائتي المتاخره لموضوعك الصائب


لكن للامانه انا معــــــــك في كل حرف كتبته


وانا سبق لي المشاركه في اسم مستعار وغيرته


بعدين يالربع ابن جخير قال المنتدى الشعبي فقط ماقال المنتدى كامل


تبــغــون التطور والازدهار طبقوا مطالبتنا لسبب بسيط انها لمصحلة المنتدى ولكم الشكـــــر جميعا