هذه قصيدة كتبتها في الشيخ/منصور بن ناصر بن جمعة العجمي رحمه الله وهو من يستحق ان تقال فيه القصيدة هذة بالذات وباقي القصائد التي توالت في مدحه ورثائه دون هدف مادي ولكنه اهداف معنوية ومواقف رجال مع رجال يجب ذكرها ونشرها للجميع لاحياء ذكر الطيبين امثاله واليكم القصيدة والتي سوف يليها قصيدتين اخريين في نفس الرجل واعتذر احبتي عن تأخري في تنزيل القصائد وذلك لعدم معرفتي في استخدام الانترنت في انتظار ابن اخي الذي يقوم بهذه المهمة:
في صحصح من الارض شبيت لي نار=نارن حطبها عرن سمـرن مقـاري
يجذب سناهـا كـل طرقـي وعبـار=رجلـن يبـوج قفورهـا والبـراري
واركيت لي صفرن بها بـن وبهـار=تجلى عمس راسن ملتـه الطـواري
راسن تصافق داخله شتـى الافكـار=الها علـى محيـاه رسـم ومـواري
ماهوب راس مترفن حـط لـه بـار=الطيب ينسب لـه نفـاق وعـواري
نومه نهار وصحـوه الليـل فافكـار=ولا مست حبالـه طلـع خنفشـاري
بناخ الرخوم اللـي يغمـون الانظـار=من ضمها امهـا باببنهـا لا يمـاري
يكمي مثل ما يكمـي بجحـره الفـار=واليا ظهر ما جـاب عـزن وخـاري
ما عاد لاهل الطيب في ذا الزمن كـار=راحـت طواريهـم حـلام وهـذاري
طبع الزمان يخـون الاجـواد غـدار=ذل الحـرار وعـز بـرق الحبـاري
والوقت لـه غيـب وتقـلاب وادوار=وابن ادمـن فالغيـب ماهـوب داري
تشطح به الاحـلام فالعمـر مشـوار=واليا انتبـه للعمـر عنـه امتـواري
مثل السراب اللي برق فالفضا الحـار=كـل مـا قربتـه يضمحـل متـداري
شان السراب يغر عمسيـن الانظـار=اليـا بـرق فالـلال مثـل الخبـاري
مشيت عكس الريـح والريـح تيـار=من ينطحه فالميد مـا هـوب جـاري
قدمي متاريس ومن خلافـي اسـوار=ولا عن يميني ولا شمالـي كبـاري
وعانيت من ضيـم الليالـي وصبـار=صبرن فرض عمره ما هوب اختياري
منصور ياريف اليتامى حمـا الجـار=نسل الكرام ليـوث نجـد الظـواري
نسل الرجال اللي لهـم فعـل واذكـار=يشهد لهم نجـد وفيـاف الصحـاري
لا جـا نهـارن فيـه كـرن وكـرار=داسوا على رسون ملتـها الحمـاري
سقم العقيد اليا غزا بجيـش جـرار=اليـا انطحـوه بكـل قبـن وحـاري
لا همهمت خيل الوغـى وثورغبـار=القـاع جـدودك يطلقـون المـاري
وان طلبـن الخيـل بالقـوم الادبـار=همـه ثنوهـا ثنـيـت الانتـحـاري
ينصون في صفوف العدا كل مغـوار=ويجندلون اللي علـى الكـر ضـاري
كم قرم قومن عن ظهر سابقـه طـار=وراحت تباري الخيل بالسرج عـاري
في معمعتهم يشبـع الطيـر وجعيار=وذيبن عوى من الجوع فالليل ساري
عجمان ما يهابون غبـات الاخطـار=في حروبهم يرذون ظهور المهـاري
رجال الحرب اللي على الخيل جبـار=لا من رحى الحرب احترك واستداري
طوال الرماح عمارهـم دايـم قصـار=بين السيوف وبيـن حـد الشبـاري
اهل الضعون اللي يسجـون الاقطـار=ترتعبهم فالخـوف سـودن غـواري
ريفن حماه الخوف واروته الامطـار=قطعانهـم ترعـى حـلاو النـواري
في مدحهم ما نيب خجلـن ومحتـار=اهل النعـاره يـوم وقـت النعـاري
منصور يا شيخن على شيوخن كبـار=شيخن تشيـر ولا تبـا مستشـاري
من همه امرن فاطيب النـاس يختـار=وانت خياري وانتـه خيـار غـاري
ياسيد العجمـان لـي سابـق اخبـار=عندك ولي عندك وعـد وانتظـاري
وعد الحرار اليا اوعدوا بالوعد صار=ما يخلفون اليا اوعـدوك الحـراري
باعك طويل وشبـرك يغـط الاشبـار=وجاهك يجيب لشانـي امـرن وزاري
وختامهـا صلوعلـى سيـد الابـرار=المصطفـى عـد النجـوم السـواري
01-05-2006, 04:35 PM
العرض العادي
