** قصيدة متواضعـه **

[رهايف]

السلام عليكم ..

أبيات متواضعة جاءت سريعاً ..

أتمنى أن تنال رضاكم ..






مليت من نزف القلم بيض الأوراق

وصبّيت لي فنجال ساعة رواقه


روّقت وأبياتي حكت نبض الاعماق

والعود الازرق فاح طيب احتراقه


أبياتي اللي لامست كل الاذواق

ومن العسل تجمع صفاه ومذاقه


أصدق من الضحكه على وجيه عشّاق

واسمى من قلوب الجهل والحماقه


صرخة يتيمه مالها حد وآفاق

مثل الهوى للي يعيش اختناقه


( ياليت ربي ماخلق حب وافراق )

مالي على فرقا الاجاويد طاقه


شاركت من باب الاخوّه والاشواق

تاخذني سلوم العرب واللباقه


مشتاقه وقلبي بعد حيل مشتاق

للي جمعني مع غلاهم علاقه


الصادقين بحق ذربين الاخلاق

الطيبين اهل الكرم والعراقه


الطيب معهم كنّه بشد وسباق

والنايفه تعقد معاهم صداقه


هذا بعض ماجاد به صدق الاعماق

وابي العذر لومااسعفتني اللياقه


قصّرت في وصف المعاني والاشواق

رغم اني مبسووطه وآخـر رواقـه

[حمد المخيال]

رهايف


بصراحه قصيده جزله

( ياليت ربي ماخلق حب وافراق )

مالي على فرقا الاجاويد طاقه

صح الله لسانش يالاجوديه
وبيض الله وجهش

تقبلي تحياتي

[عبدالناصر آل عبدان]

اهلا وسهلا بك يا أختي



قصيده جميله جداااا يقف ورائها شاعر متمكنه



صح الله الساااانك


اعجابي بالقصيده




ودعتك الله

[رهايف]

حمد المخيال ..

هلا ومرحبا ..

صح بدنك وألف شكر على الإضافة ..

تقبل تحياتي ..

[رهايف]

عبدالناصر الفهاد ..

هلا ومرحبا ..

صح بدنك وشاكره لك مرورك وتشريفك ..

لك وافر التحايا ..

[مهرة الصمان]

رهايف صح لسانك قصيدة رائعه تخفي وراها شاعرة متمكنة من الشعر


لاتحرمينا جديدك وتقبل فائق احترامي

[صاحب السموء]

رهايف **


صح لسانك وما قصرتى اختى

[سالم بن جخير]

لبى العرب على ذالقصيده وبس

[رهايف]

مهرة الصمان ..

هلا ومرحبا ..

صح بدنك ولاهنتي على المرور والرد ..

لك جزيل الشكر ..

[رهايف]

صاحب السمو ..

هلا ومرحبا ..

صح بدنك وشاكره مرورك..

تقبّـل تحياتي ..