( لــــــــــــــدغ الحـــــــــيــــايـــــا )

[فارس شمر]

(( لــــــدغ الـحـيــايــا ))..........


مايصـح بهـا الـزمـن الا الاكـيـد
للصحيح بها الزمـن قـدر 00 وبقايـا

دام شعري له مكان 00 ولـه رصيـد
وش على هـداج ؟ مـن ورد المطايـا

شاعر(ن) في كل يوم(ن) 00 له جديـد
شاعر(ن) ماقالـو أبيوتـه 00 عرايـا

ناخـذ الجزلـه مـن أمثـال القصيـد
ولا خذينـا أحسـاب شينيـن النـوايـا

شاعر(ن) روض لـه المهنـى ألعنيـد
وصفقـت لبيوتـه أيديـن 00 البرايـا

صاح جمهوره تعيـد 00 وقـال أعيـد
صفقـوا وأهـدا لجمهـوره 00 هدايـا

وأنـت لا يكثـر معـي هرجـك يزيـد
خل عنك القول 00 ياراع 00 الحكايـا

ماعلينـا منـك جعلـك 00 ماتفـيـد
ماكسبت من الحكي غيـر 00 الخطايـا

لو سمحت أبعد عن أدروبـي 00 بعيـد
وش على الضلعان من (( لدغ الحيايا ))

القطامـي لا زعـل تــدري يصـيـد
لاضـرب ردت مخاليبـه 00 دمـايـا

دام أنا صديـت عنـك 00 وش تريـد
خلها بقصى الحشاء 00 بيـن الحنايـا

دام انــا كنيتـهـا 00 والله شهـيـد
وش تبي بي يوم تبحث 00 عن خفايـا

مايصـح بهـا الزمـن غيـر الاكيـد
لازعلنـا مانهـاب مـن 00 المنايـا

[عيد بن شدقان]

فارس شمر
الله الله الله الله
اختيار رائع وجزل

وكان بودنا نتعرف على اسم شاعر هذه القصيده



لاهنت
والله يعطيك الف عافيه

[فارس شمر]

لاااااااهنت عيد على مروورك الطيب الللي زاد رووعة القصيده

[ركايز]

ما عليك زوود وصح الله لسان قايلها
ويعل يمناك سالمه ع هالاختيار الطيب

[شهد]

صح الله لسانك اخوي فارس شمر ولسان شاعرها


الله لايهينك على الاختيار الاكثر من رائع

[فارس شمر]

لاااااهنت طير على مروورك الاكثر من رائع

[فارس شمر]

شهد تسلمين على اطلاعج للقصيده

[ضناة مرزوق]

فارس شمر تسلم عالقصيده الاكثر من رائعه

وبصراحه ودي اعرف كاتبها

لانه يستاهل الشكر

ولاهنت


تقبل تحياتي

[فارس شمر]

ضناة مرزووق تسلم او تسلمين على المرووور الكريم والقصيده للشاعر ( الجهيلي الشمري)