السلام عليكم ورحمه الله وبركاته
مساكم الله بالخير
خواني شعراء المنتدى
حبيت ان تكون مشاركتي الاولى
بقصيده يديده
على امل ان تنال اعجابكم وتقديركم
ويا عساني ما انحرم من ردودكم يارب
::
::
لي خل صاير دقت القلـب والنبـض = والحس والمسمع مع الشوف والعين
والشم والانفـاس والـروح واللفـظ = والدم يلي سـار وسـط الشراييـن
والكون كله مـن سمايـه الا الارض = والعمر لي روح ولي باقـي الحيـن
الناس هم سنه وهو صاير الفـرض = ملزوم انا به لو انا اعيـش عمريـن
يا خل قض العمر راجيك انـا قـض = خله معي يمشي على الزين والشيـن
لو رحت عني راح صبعي من العض = لنك فريد(ن) ما خلق مثلـك اثنيـن
بعدك ترى آبـار فالجسـم تنـرض = مره يسـار القلـب مـره فـليميـن
سستر تتابع حالتـي مـع ممـرض = ايشوف وضعي كان وضعي غدى زين
هم مادرو عوقي من اسباب هالغـض = لي شل قلبي يا الخوي قد له اسنيـن
لي له عيونٍ تجلب السعـد والحـظ = لي له خفوقي دون شوري له ايليـن
هو قد ملكني ملك بالطول والعـرض= كنه شراني وصرت انا طوع ليديـن
ما غيره اللي خظني يا الخوي خـض =وبدل طبايع عقل من يومـه ارزيـن
يا سعيد بعده كظني يا الخـوي كـظ = وتعب لي المسمع مع الشوف والعين
والشم والانفـاس والـروح واللفـظ = والقلب يلي ساكنه قـد لـه اسنيـن
وانا عنيتك اشتكي لك مـن الغـض = يلي ملكني وصرت له طـوع ليديـن
::
::
للشاعــــر /// رجل من رجال زايد
هــذا ومنــكم العــذر والسموحه
22-09-2006, 06:03 PM
العرض العادي
