انا بين العجمان وهم في قلبي وثبتت بالسيف

[تركي اليامي]

بسم الله الرحمن الرحيم

بادىء ذي بدء السلام عليكم ورحمة الله وبركاته
وكل الشكر لكم على جهودكم اللتي تبذلونها
حقيقة سألت نفسي سؤال الا وهو لماذا انا سجلت في هذا المنتدى بالرغم انني نادرا ما ادخل
النت وفي نفس الوقت لم يقم احد بدعوتي وكانت الاجابة واحده وصارمه الا وهي وهل يعزم
المرء في بيته .
اذكر ان لي ابيات قديمه في شخص اعزه واذكره بالطيب دائما وهو عجمي اقول فيها :
يوم رتبت القوافي وشلت المشعلي=قلت من تنصين قالت ابنصى مشعلا
قلت ياطيب المناصي وياترثة هلي=وانشد التاريخ يخبرك قبل ان يسألا



نعم ترثة هلي وبني عمي

كنت قبل فتره في النعيريه وحصل لي موقف وقام احد الشباب بما اعتبره واجب
عليه يوم عرف اني يامي وحاولت جاهدا ان اعرف اسم الرجل ولاكنه رفض
قال لي كلمة (( تواصلوا معنا يابني عمنا ترانا نغليكم ))

وانا اليوم هنا للتواصل والمواصل وعمر الظفر مايخرج من اللحم


اعذروني على الاطاله هذه قصيده قديمه ولاكن اعتبرها في وجودكم جديده عساها
ترتقي لذائقتكم

امس ولا اليوم ماعـاد تفـرق والمـلام=يغتشي سطح البسيطه وينشد وش جـرى

غايـة التفكيـر تاقـف لباهيـن المقـام=شرهة(ن) للي يعـدون ليـا رد البـرى

ياعيون(ن) كـل ماجيـت اهديهـا تنـام=ارجفت خوفا من الحلم ياحلـو الكـرى

لاتحّرم نومتي وانت مالك فـي الحـرام=خـاف خـلاق الاوادم ورب ام القـرى

السـلام الله يجازيـك ياسـرب الحمـام=لاتعرضنـي المشاريـه والعالـم تـرى

محتظي لك والضوامي على عدي حيـام=حدني المقرود والريـع وايـام الـزرى

في نهار شوّش الراس والتّـك الحـزام=وصلت الهقوات فـوق الثريـا يالثـرى

يوم حطينـا علـى هامـة العليـا سنـام=يستظل بظلهـا اللـي تعـرض للعـرى

فزعة(ن) ماهي بفزعـة منقلـة الكـلام=من عظام الراس ياتي لها شف وطـرى

لو صرخها واحد(ن) قـوم العالـم قيـام=ينكسر فيها المعثر ويسري مـن سـرى

لابـة ماحسبـت للبقـايـا والحـطـام=حدها فيـه البـلا والـذرى فيهـا ذرى

يام لو جا صرخ يـام(ن) تعينهـم شمـام=كنهم والمجد فـوق المجـرات قصـرى

يام لو طري الكرم قيـل يايـام الكـرام=فعلنا يقعـد مخلـد لمـن عـاده ورى

طفلنا شرب المراجل على وقت الفطـام=والجبان يموت يدري بها اللـي مـادرى

لاطري اليامي يجي النعم متلبـس وسـام=ثبتـت بالسيـف ماهـي تثبـت بالغـرى

يتبعون الفرقد اللي على سطع فوق الظلام=لو يطير الراس والجوف بالضيق انفـرى

امدح طوال اليماني وهـم فـوق الغمـام=سمعها اللي سمع واللي قرى فيها قـرى

والله ان مدحي لربعـي يعدينـي المـلام=دام فوق الارض من هم يـردون البـرى

ماتضيـق الارض ولكـل رجـال مقـام=في علوم الطيب تلقى المناعير خشـرى

والقبايـل فيهـم زحـول مافيهـا كـلام=ما يذم الخلق كون الضعيف اليـا افتـرى


وسـلامـتـكــم