(( حذراك من غدر الزمان وظلامه .... وحذراك من ذا الوقت وانيابه احداد ))

[علي السكران]

السسلام عليكم ورحة الله وبركاته
عندما يقع الانسان بين اختيارين كلاهما أصعب من الأخر فلا جدوى حينها من المجازفة واختيار أحدهما.
الاول من ............ أحببــت
والثاني .............. صديقك
وكانت التضحيه بمن تحب لصديقك ( مختصر السالفه )
وشكرا للجميع ..... واتمنى ان تنال اعجابكم ....

حذراك من غدر الزمان وظلامه=وحذراك من ذا الوقت وانيابه احداد

وحذراك من خطوى صديق(ن) هلامه=وقت الرخا عندك وفي الضيم ما فاد

وحذراك من درب(ن) طريقه ندامه=من لا يحسب احساب دنياه ينقاد

واحذر غلا من لا يسرك سلامه=واحذر صديق المصلحه والتوداد

ما ينفع الندمان عظت ابهامه=لابد من يوم(ن) يعيش بتوجاد

ما عاش من يعطي الزمان اهتمامه=يلقى شقى دنياه ويشوف الانكاد

خلك عزيز النفس عندك كرامه=كرامتك في وجه عدوانك ازناد

والنذل خله لا تصدق كلامه=يمكن وقلبه ممتلي ضيم واحقاد

ياخوي ليلي ما هناني منامه=والنار في جوفي تزيد التوقاد

ياخوي ما شفت القمر في تمامه=ليه القمر غاب وتركني ولا عاد

يمكن معك ياخوي زاد انسجامه=تخفى علي وانا معك درع واسناد

من جامل اصحابه يعيش بندامه=تلعب به ارياح التعاسه والانواد

حتى مع نفسه يضيع احترامه=وش عاد لا قابل مناعير واجواد

جور الزمن خلى على القلب شامه=واصبحت لهموم الزمن دوم وراد

عزي لمن مثلي تراخى حزامه=شفت الشقا من عزوتي ماله ابعاد

عرفت قصدك زين وافهم مرامه=اصبحت ضدي واقف لي بمرصاد

مثل الجمل ليجاع ياكل سنامه=خليتني في شمس يوم انت ببراد

تبغى غرام اللي ملكني غرامه=مدري تحدي منك ولاهو اعناد

لك ما تبى لوكان راعي العلامه=خلك ورا ريم الفلا تلع الاجياد

ياخوي حبك ما تزعزع مقامه=تحكمني الخوه مع الملح والزاد

تبغى غرام اعيون زرقا اليمامه=لك ماتبا يفداك مركوز الانهاد

اكشف قناع البدر وانزع لثامه=وان جات تبشر بالجفا والتصداد

اخوكم .. علي السكران