ال مسامح

[عبدالله العبيد]

. المسامح .

حبيت اسلم على الي فعــــــلهم وافي=ناس(ن) كرام(ن) ولا به شك ينقـالي
اصل وفصل والمسامح يا عرب كــافي=نعم الرجال إلي صيتهم بقا عـــالي
لو بكتبه ما يكفي مال الخــــــرافي=اسم(ن) جميل وترا هو بالحشاش غالي
قوم(ن) شداد وتقيدوا بالاعـــــرافي=مجلاسهم طلق(ن) الشوارب وســالي
سوالف(ن) طيبه والله ما تنعـــــافي=كله علوم الرجال وصــــفة دلالي
منهم شيبان وشباب(ن) شوفهم شـــافي=حسن وسالم وراشد طيب الفــــالي
راشد عضيدي وأحطه بأيمن أكتـــافي=أنا اشهد انه ملكني يا بري حـــالي
وقلبه صافي ولونه لون الاصـــدافي=أبو ضويحي وجده سيف قتــــالي
وسالم إلي يفز و يكرم الــــــلافي=كريم وتقول كأنه بالعــــرب والي
وحسن بو حمد ما مثله امن الأصنـافي=وقت الشدايد شديد موسع البـــــالي
تراه خويي وأنا اشهد انه سنــــافي=جده بوعنتر صيته صال ثم جـــالي
يالله تقوم بو عنتر شافي متعــــافي=دعواي لله العزيز و إلي متعــــالي
رب(ن) كريم كسا الفقير والحـــافي=يملك كنوز الأكوان ومالك ومــــالي
وأنا أستميح العذر إن كان به خــافي=وان كان به نور الشمس ماهوب جــالي
ومابه قصور(ن) أبمكرمين الأضيافي=ناس(ن) كرام(ن) ولابه شك ينقـــالي
وحقهم ما يتمه شعري وقـــــافي=وديوان في وصفهم ابيعتبر خــــالي
واختم بذكر الله خالق الهوا صــافي=والجنة إلي من عبده لها نــــــالي
وصلاة ربي على شريف الأشـرافي=صلاتي له بالنهار وبعد بليـــــالي
محمد من القريش هم قوم الأشـرافي=اسمه تسمى عليه اغلب الاعــــوالي
ما ياتي صوبه احد ولا بالأطـرافي=بالاسم بس ماهوب اغلب الأفعـــالي

. وسلامتكم .

[عبدالله العبيد]

يقول :

ربن كريم(ن) كسا الفقير والحافي=يملك كنوز البشر ومالك ومالي

[فلاح بن ملبز]

عبدالله العبيد

صح لسانك عدد ما خطيت ودبل

وآل مسامح يستاهلون ذا المدح واكثر

وبيض الله وجهك

والله لايهينك

[بـن طفـله]

صح لسانك مليون يابو فهد

وعزالله انهم يستاهلون وقليله فحقهم

[محمد بـن راشد]

صح لسانك عبّوودي
ويستاهلون المدح آل مسامح
لكن في بيوت لو تمر عليهم مرّه ثانية أفضل


تحياتي الأمير

[عبدالله العبيد]

صح الله بدنك يا ابن ملبز وصح لسانك يوم قلت انهم يستاهلون وما ذا بحقهم






ويا ابن طفله صح الله بدنك مليوووون




ويا الامير صح بدنك طال عمرم ومريت عليهم ثلاثت عشر مره ولاهنت

[مخيالي]

المشاركة الأصلية كتبت بواسطة بـن طفـله

صح لسانك مليون يابو فهد

وعزالله انهم يستاهلون وقليله فحقهم

والله ونعم بالجمييييع
ونعم بآل مسامح
ومليون نعم بآل طفلة وعسى ربي يشافي عبدالله بن فهاد من آل طفلة ويخرجه من المستشفى سليما معافا
ودعائكم له

[حمود ناصر العامر]

كل الشكر لك أخوي " عبدالله 0

على القصيده الجزله والي يستاهلونها آل مسامح



ولا هنت ،،

[موهووووب 2000]

لاهنت ياعبدالله وهم يستاهلون وانت ماقصرت

[نـاصـر]

السلام عليكم ورحمة الله وبركاته

صح لسانك ياعبدالله ويستاهلون المدح آل مسامح

والله يشفي أبوعنتر ويلبسه ثوب العافيه والصحه .