اول مصافحة لي بينكم ((خاب الرجاء))

[الجامحــــة]

ماعـاد احبـك ابتعـد لا تجينـي=ما دام حبـك صـار كلـه مذلـه
أول غرامك أحمله وسـط عينـي=واليوم هاك الحب ما ابيـه كلـه
لا واحسافه ما مضى من سنينـي=درب الهوى ما عاد قلبـي يدلـه
أول عرفتـك يالحبيـب تعنينـي=واخذت قلبي يـوم كـان بمحلـه
وأسهرتني ليلي وأخذت الحنينـي=على رجـا قلبـي يسميـك خلـه
ماعاد ابي حب(ن) يزوّد ونينـي=ولا عاد ابي حب(ن) يجي فيه علّه
خلاص راح الهـم ياخـوي دينـي=ماعاد كدرالقلب ولا الضيـم شلـه
عوض انـا قلبـي بحـب دفينـي=غيره سكن في داخل القلـب كلـه
لقيت معه الصدق ماخـاب فينـي=حب الوفـاء ماهـو بحـب تملـه
على الوفاء واخلاص شفته بعينـي=الطيب ساكن فيـه والحـب دلـه
كنت بكدر واليوم سعـدي يجينـي=اشكرك ياربي بوقت(ن) صف(ن) له
طاب المكان بزين حلـو الجبينـي=كل السعادة والفـرح لـي بكملـه
شفت السعادة ساكنه وسط عينـي=من يوم فارقـت الكـدر والمذلـه
كنت بسجن واليوم سعدي يزينـي=الله يسعدنـي ويشفـي بـي علـه
راح الحزن والضيم ماعـاد فينـي=احمد اله الكون لـي الهـم شلـه
طابت ليالي العمر والفـرح فينـي=زاح الوهم اللـي بحياتـي اشلـه
من يوم فارقـت النكـد والونينـي=في شخص فاقد بالمـوده محلـه !

عساها ترتقي بذوقكم
الجامحه

[أحساس شاعر]

صباح الخير
صح الله لسانك ولاهنتي وبالتوفيق
شفت السعادة ساكنه وسط عينـي ... من يوم فارقـت الكـدر والمذلـه
أبداع ولاهنتي مره ثانيه

أخوك : أحساس شاعر

[الجامحــــة]

شكراً لك
اخي الكريم أحساس شاعر

يصح ابدانك ويعلى شانك لاهنت

اتمنى كلماتي ترتقي بذوقك
الراقي تحياتي
الجامحة

[الجامحه!]

صـــح لســـانك .. قصــيده روووووووووعــــــــه ياسميتي ..



لاتــبخلين عليــنا بكــل ماهــو جديد

ننتظر ابداعــاتك ..



اختك .. جمـــــــووووووح

[موهووووب 2000]

صح السانش مليووووووووووووون

قصيده رائع من شاعره متمكنه

[@الشيــــــــــــنه@]

صح لسانتس


روووعه وننتظر جديتس ونورتي المنتدى

[صـــبـــــــــا]

فعلا كلماتك لا أسيع ان أوصفها برائعه
لأنها أكثر من راااااااااااااااااااااااااااااااائعه
كلمات بمنتهى السمو والرقي
كلمات راااائعه تعر عن عزة النفس.......
غاليتي صح لسانك وكلك وهلابك في منتدانا .....
ننتظر جديدك الشعري .....أختك صــبـــــأ