ماكل منهو يمر بخاطرك غالي=بعض البشر من غثاه يمر فـي بالـك
ياصاحبي لاتهاون ميلة عقالي=ما انته بعمـي ولاخالـي بعـد خالـك
خلك مع الوقت لاسولف به السالي=وان عودت للحقيقه مانـي بحالـك
وقتي ووقتك ومدهالك ومدهالي=ماهن سواء بس تكفى ريـح رحالـك
فنجالك اللي تظنه مثل فنجالي=من عام الاول ترى مشـروب فنجالـك
هقيت بك طيب لاكن ضاعت آمالي=ماتت ركاب الهقاوي دون مدهالك
راهن وتلقى وانا بحط معدالي=وان كنت واثق تعـال وحـط معدالـك
والحر لا تل سبقه وارتفع عالي=ماهوب شرهٍ على المرقاب في جالـك
والطيب ورثٍ ورثته واصغر افعالي=شمسٍ سناها يغطي ضافي ضلالك
فعلي واعرفه ولا فالك بعد فالي=وان قلت لي ليه؟ فـال الله ولا فالـك
ماني بمثلك ولاغير الله الوالي=يعلم بفعلي وهـو عالـم وش افعالـك
اموت ماجيت يمك يا أشهب اللالي=وخذها صريحه وآخر بيت يزهالك
ماكل منهو يمر بخاطرك غالي=بعض البشر من غثاه يمر فـي بالـك
وســــــــلامتكـــــــــــم
لـــلـــشـــاعــــر فــهـــدالـــنـــايـــف
16-03-2007, 01:55 AM
العرض الشجري