ثلاث ايام ........؟

[مشاري القحطاني]

مشاركه اولى واتمنى ان تنال اعجابكم ,,,,

ثلاث ايام وعيوني تذوق النوم وتزوعه = آهجعها ربع ساعه وحلم اللي يفزعها

ثلاث ايام والخافق يبي يظهر من ضلوعه = ولكن يردعه من يوحي النمله ويسمعها

ثلاث ايام والنفس الحزينه منك مفجوعه = احاول قد ما بيدي اطمنها وآهجعها

ثلاث ايام وحروف الندم فالقلب مطبوعه = مثل من يكتب القصه على الطابع ويطبعها

ثلاث ايام مثنيه من الضيقه ومربوعه = تضيق بعيني الدنيا وذكر الله يوسعها

ثلاث ايام والتفكير في فرقاه ورجوعه = عجزت ألملم جروحي بعد فرقاه واجمعها

شحب وجهي وخان الخد يابن الناس بدموعه = اثر من ثلّث دموعه على خده يربعها

واثر من حب له بنتٍ صغيرة سن دلوعه = يموت وماطفت جمرة غرامه من تدلعها

عليه بالطلاق اني عرفت الحب وش نوعه = بعد ما عشت بعيونك وشفت النفس تتبعها

تبعت النفس واغرتني نجوم الليل وشموعه = على بالي معي من وين ما قفت وانا معها

غفيت بنيةٍ بيضا بلا هم وبلا لوعه = اداري من يداريها والوّع من يلوّعها

وفجأه ينتهي دوري وعنوانه وموضوعه = بسكينة غدر تمشي على روحي وتشلعها

بسكينة غدر مشهودةٍ منك ومسموعه = ولكن طالبك طلبه حبيبي لا ترقعها

فمان الله مثنيه على شانك ومربوعه = بعد ما ضاعت الهقوه وضاع اللي مضيعها

وسلاااااامتكم .....