الـــــــــــــحــــــــــــجــــــــــر!!!

[محمد آل سفران]

السلام عليكم

هذه مصافحتي الاولى في هذا الصرح الرائع

وهي تتحدث عن عُرف الحجر او حجر البنت لأبن عمها حتى لو كان مايسوى التالية من الغم

يامطلق قيدي على صهوة الريح = بالله تريث لين اسجل وصاتي

ياشين تلويحة يدين المراويح = ماعاد اجمع في صخبها شتاتي

بنيت لي حلم زرعته من الشيح = في ظرف لحظة سار من ذكرياتي

انشهد ان الحجر سنة مشافيح = بسباب عُرف الحجر ضاعت مهاتي

يستوطن الحجير من دون تصريح = وتضيع بسبابه جميع امنياتي

ياتي كذا من دون علم وتلميح = ويحطم اللي قد بنيته لذاتي

انشهد ان العُرف يحتاج تصحيح = يكسر قلوب اهل الهوى مايحاتي

لا يامهاتي صاب حظي سواميح = كم كنت اعدك من ركيزة غناتي

الله ياحلم الأمل والتباريح = ساروا سراب مايبلل شفاتي

تحرجني الدمعة على الخد وتسيح = هيا فرحوا يالي طربكم شماتي

ابكوا معي يهل القلوب المجاريح = عزي لمن منكم سواته سواتي

ياشين غارات الضحى والمصابيح = سار الأسى والحزن مطلع سماتي

كنت اكتم اسراري على الناس مابيح = وكان التكتم ميزة في صفاتي

واليوم بسراري تشب المضاويح = وقدني اتقبلها كذا كيف تاتي

طيري غدا ولا ترده ملاويح = اقفا عليه الغيم والريح عاتي