الدراسه؟؟؟

[(هاوي قصيد)]

مسا الخير
هذا واحدٍ من الربع يقولي ليه ماتكمل الدراسه لو بالخارج فاجاوبته
بذالبيوتات المتواضعه راجي ان تنول على اعجابكم ,,,

كان تزقر حس صوتك او تنادي = ما بقالي واهسٍ صوب الدراسه

ان بغيت القاهره ولا المعادي = قد شيب الراس كمل شيب راسه

اللتزام وحث فكرٍ واعتمادي = ياخذ التاريخ في بحر السياسه

طالبين العلم بحثٍ واجتهادي = ولا انا مالي مع الدفتر وناسه

شاعر وقلبي مع المزيون غادي = كل ماهب الهوى لاعت حواسه

ذا وليفٍ يقلب الهجري ميلادي = كن حكم الزين ريت في مقاسه

كن قلبي كورةٍ في وسط نادي = او ميتر كهربٍ شب اللتماسه

مغرمٍ فيها ولي فكر ومبادي = غير ياحظ الشقا ولا التعاسه

الفراق اللي حصل ماهوب عادي = ويش يافرق الذهب ولا نحاسه

ناشدٍ صبري كما صبر المهادي = ومديٍ فكري بئيعاز وسلاسه

غير ذالك؟؟ لي مع اهل الطيب بادي = والفراسه في جناب اهل الفراسه

والدراسه لو تصيح ولو تنادي = اما انا مالي ومال اهل الدراسه

وسلامتكم