البعــد ما ولــّـف قلـوب المحبيـن
خص ٍلا صار المبتعد عنك سالي
وماني بمن يطرد سـراب المقفيـن
مـن صـد خليتـه ولـو كـان غالي
حتى أنت لو تبعد وتقفي عن العين
مـا بيـن معـوادك وبيـن إحتمال
إن جيت أهلي بك وإن أقفيت يا زين
نـذر علي مـا أجيك وآذل حالي
البعــد مـا يجمـع على الـود قلبيـن
إن طال طالت الأجوبة في سؤالي
وين ألتقي بك وأنت ما قلت لي وين
وين أجتمع بك وأنت داخل مجالي
وين أختلي بك وأنت باكر وبعدين
لا طـال بعـدينـك وباكـرك طـالي
ولا صرت ما تدري عن الشوق والبين
ما عـاد يلزمني عليك الوصالي
ومـا عـاد يمنعني الحيا والهوى شين
لا صرت تجهلني ولا أنت بتبالي
وأنت تعرفني زيـن من قبل هالحيـن
مـا فيه غيـرك سـاكن في خيالي
وتـدري بعـد يا سيـد كل المزاييـن
إنـي بعـد صافي لمن هو صفالي
إمـّـاك تتبعني على العسـر والليـن
وإلاك تبعـد عـن حـدود إحتمالي
علي العايد الهاجري
12-06-2007, 02:44 PM
العرض العادي
