رامـــــــــــــــــــــــي للشاعر/ محمد عويضه

[مقهورة]

... ومات رامي ..!!

طفل مصري..

مات يوم السبت بدري..

قرب داره..

آآآآه ليته كان يدري..

كان نام .. نااااااااام .. نام..

وماتحلم في المنام ..

ياخذ الاول بصفه.. وبجداره

ـــــــ

مات رامي ..

بدون ادنى ذنب مات..

وبدون حتى مقدمات..

ماعطوا له حتى فرصه للبكاء..

او للذهول..

والا حتى للسؤال..

كان قال:

((مين دول؟..

هما مالهم ؟!..

ايه قرا لهم !!.. فيه ايه!!

هم عاوزين يئتلونا والا ايه؟!..))

ضاع صوته وسط صرخات الرصاص..

ماله من الموت بد .. ولامناص..

راح (قشه) بـــ.. فم نار..

تعلكه.. والدم فار..!!

أي دين .. واي مذهب..

يوصي بقتل الصغار؟!

والله عار..!!!

ــــــــــــ

والله حاله..

ياعصابه تسفك الدم ببرود..

ياحثاله قادكم واحد حقود..

وش تركتوا لليهودي..؟!

انتوا العن مــ ..اليهود..

تزعمون ان الهدف طرد الاجانب..

وتنشرون الموت دوم بكل جانب..

والنتيجه ياقرود:

طفل مصري .. واحد امريكي ..

وشوفوا كم سعودي .. والله حاله..!!

ـــــــــــــ


أي (سرية قدس)!..

انتوا(مافيا)

انتوا اجهل ناس بـ.. الجغرافيا

تعرفون القدس وين ؟!..

او نسيتوا..

من غديتوا فوق كتف ابليس مثل الببغاء..!!

تحسبون القدس يرجع..

لااختلط دم (النعيمي) بدم (زين)!

قبح الله الغباء.. قبح الله الغباء

ــــــــــــ


غدر في وضح النهار..

مجزرة .. اطلاق نار

والف صيحه..!!

رعب ودموع ورهاين..

وانتظار.. انتظار

وآخرة هذا الحصار؟!

هذا حال ام المداين ..

(الخبر) امست جريحه..

.... باختصار

ـــــــــ


اعتــذار :

(( باسم كل المملكه شعب وحكومه اتقدم بـ العزاء

للاشقاء العرب .. والاصدقاء..

كل من اقدم على هذي الجريمه.. شعبنا منهم براء))

اعتذار .. لكل مصريه ومصري:

مات رامي .. وكلنا لجله بكينا ..

مات رامي.. بس والله مو بيدينا..

مات رامي.. وماتوا وياه ابرياء..

مات رامي .. مات ولله البقاء..!!

ـــــــــــــــــــــــــــــــــــــ

الشاعر / محمد عويضه

[راكان اليامي]

صح الله لسانه بن عويضه ولسانش

تقبلي سلامي

[مقهورة]

هلا وغلا

صح بدنك

اخوي راكان

زدت القصيدة

جمال بمرورك

فلا هنت

[ابوحمد الشامري]

مشكووووورة اختي القديره ( مقهوره ) على ههذ القصيدة الرائعه التي تجسد حالنا اليوم حال يرثى له دم العربي والمسلم مثل دم الخروف !!!!
لا هنتي يا السنافيه على الاختيار الرائع.

ابو حمد الشامري