؛¤ّ,¸¸,ّ¤؛°`°؛¤ جرحها سالم وداوها خليفه¤؛°`°؛¤ّ,¸¸,ّ¤؛

[هـــ رعشه ـــدب]

جرحها سالم وداواها خليفة

التعريف بالشخيصات الموجودة في القصة :
عئلة ريسة : ابو ريسة مبارك واخوانها من الاب – راشد – علي – هيا- فاطمة وزوجة ابو ريسة –سلامه
عائلة عم ريسة سعيد : عمها سعيد وعياله احمد – زايد – سالم -هدى
عائلة عم ريسة عبيد : عمها عبيد وعياله – سيف – محمد – هزاع – كوثر – مريم – علياء
عائلة عمة ريسة : عمة ريسة سلمى وعيالها صالح – سيف
جد ريسة ابو عبيد واسمه مبارك ..
خالات ريسة : شما وظبية
ريسة كانت متعلقه في جدها كثير وهو اللي مربنها من توفت امها ودوووم تروح معه للبر حتى الدراسه تركتها عشان جدها واللي تحبه اكثر من حياتها وكانت ريسة محجوزه لولد عمها سالم واللي دايمن تمازحه ...و يمووووت عليها . وماكان حد يجلس مع ريسة وجدها في العزبة غير اعمامها سعيد وعبيد اما ابو ريسه فكان مشغول ونادر مايجي للعزبه .. كانت حياة ريسة غير ومرتبطه بالبر وروحه مع جدها واللي مهتمه فيه للأخر ومب مخليه شيء يقصر عليه .. اما عيال عمامها فكان نادر مايجون ولكن في الاجازه الكل لازم يكون موجود
لكن سالم دوووم يجي عندهم ويجيب سيف ولد عمته معاه ويقنصون ويستانسون وعقب يرجعون للبلاد ويخلون طيورهم عند ريسة ... وفي ليلة من الليالي قالت ريسة لجدها ...

ريسة : ابو عبيد شرايك اليوم نزور جيرانا ..
ابو عبيد : وشو عرفج يابنتي ان قلبي عندهم ...
ريسة : ههههههههههههههههههههههههههه – احس فيك ياجدي
ابو عبيد : ههههههههههههههه – بنسير نخطب عنهم باجر وش قلتي ؟
ريسة : لالا مستحيل اخليك تعرس ...
ابو عبيد : ليش بيبلج وحده ترد الصوت عليج وتسليج ...
ريسة : لا من تتزوج بتنساني ولا بتسأل عني ...
ابو عبيد : تدرين اني باجر اريد اشوفلي بقعه حلووووه بنزل فيها ..
ريسة : والله صدق ...الحمدلله واخيراً بنغير ..لكن عمامي اخاف مايرضون
ابو عبيد : انتي باجر جهزي عمرج ..وماعلينا من سعيد ولامن عبيد باجر انشاءالله بنشد الرحايل
وفجأه جاهم عمها سعيد :
سعيد : مساءالخير ...
ريسة : مساءالنور والسرور..
ابو عبيد : مرحبا باللي على طاريه جانا ..
سعيد : اهاااا عيل انتو تتكلمون عليه وانا مادري والله يعلم وش كنتو تقولون
ابو عبيد : ابداً انقول باجر بنشد الرحايل وبنشوفلنا بقعه زينه ننزل فيها ..
سعيد : ماظنتي خلوها بعد بكره انا باجر بروح لبقعه منعوته لي فيه حبارى بسير اهد عليها ..
ريسة : صدق قول والله ... واخيراً تدري انا بعد بروح معاك ..
سعيد : وين وين واظنتي اتسيرين عرب بيروحون معانا ..
ابو عبيد : والله انها تروح وماعلينا من عربك حتى انا بروح معكم ..
سعيد : يابو عبيد ماينفع وين بتروح واحنا بيروح معنا رجاجيل ..
عبيد : مساكم الله بالخير وش عندكم متحاشرين ..
ريسة : مرحبا عمي ابد مابه شيء ..
ابو عبيد : انا وبنتي باجر بنسرح مع سعيد نبا انشوف عزام يوم بيصيد الحبارى..
سعيد : لا والله اسميك منته بهين يابوعبيد انا اريد اهد طيري عليها وانته تبا تهد بعد ...
ريسه : هههههههههههههههههههههههههههههههههههههههه الله يعينك ياعمي سعيد .
عبيد : هههههههههههههههههههه حاظرين لطيبين ولايهمك يابوعبيد اركب من الصبح وبوديك انته وريسه
سعيد : الله ولا رزق ايدوره سليمان ... انشاءالله انكم بتنسبقون ..
عبيد : يارجال لا تخلي عمرك حسود ... تمنا لناس كما تتمنا لنفسك ..
ريسة : لا ياعمي .. احب لأخيك كما تحب لنفسك ,,,
عبيد : عادي كل الطرق تؤدي إلى روما ..
ريسة : انا بسير اخلي مجيد يحطلكم العشا ..
ابو عبيد : تدرون اني ماصليت العشا
سعيد : ولا اناماصليت بنروح نصلي ..
ريسة : معليه انا بسير اجيب لبوعبيد ماء دافي ..
عبيد : هههههههههههه اقول الحين سعيد متغيض علينا وشو بنسوي معه
ريسة : والله هو اللي تكلم عندنا ولا احنا ماكنا نعرف حتى باجر مقررين اننا نغير المكان.
عبيد : ههههههههههه معليه اسميه فلم باجر ..وياليت العيال يلحقون عليه ..
ريسة : حد جاينا من العيال باجر ؟؟؟.....
عبيد : هيه سالم ..والمشكله اني في خاطره يهد طيره على حبارى ....
ريسة : هههههههههههههههههههه اسميه فلم باجر بين جدي وعمي سعيد وسالم الله يستر
ابو عبيد : شعنكم علينا ...تدرون والله اني اسرح من الفجر واهد الطير
عبيد : انا اللي بيسرحكم انته وريسه وسعيد برايه مع ربعه
سعيد : انتم الحين تمزحون ولا تتكلمون من صدقكم..
ابو عبيد : نتكلم بصدق باجر بنسرح معااااك ...

انصدم سعيد وكان على باله انهم يمزحون عليه ولكن لا مفر من الواقع والصبح ركبو في سياراتهم وراحوا يدورون الحبارى وحصلوها وكان ابو عبيد متشقق من الفرحه وحلف إذا انسبق الطير انه يحرقه ... الريال عصبي ...اما ريسة فكانت مرحاااااانه وشافو الحبارى وهدو طيرهم عليها ... وصادوا الحبارى وترجعو البيت واول ماوصلو حصلو سالم توه واصل من البلاد .. طلع سالم ووقف قدام البيت الشعر بيشوف قصتهم ..
وقال ابو عبيد لريسة ...

ابو عبيد : سيري ياريسة وفري الحبارى على سالم وهو يالس مايشوفج ...هههههههههه
ريسة : ولا يهمك طويل العمر ....
عبيد : لا عاد كله ولا سالم الصبح قهرتو ابوه والحين بتقهرونه ...
ابو عبيد : اسكت ولا تتكلم انا وبنتي عرب نحب نتفشر ولا علينا من حد ...
يالله يالله انزلي ولاتخلينه ايشوفها ....سيري
ريسة: زين ولا يهمك والله اني فرحانه حلات الشيء يوم تقهر الواحد ...

وسلمو على سالم وسألهم وين رحتو اليوم وليش ماخذين الطيور معكم ... وقالوله ماشي سايرين اندور مكان جديد ننزل فيه ... ويوم اجلسوا جت ريسة ورى سالم ونزلت الحبارى على وجهه وانصدم وصرخ بأعلا صوته ..

سالم : آآآآآآآآآه لاااااااااااااااااا حبارى حرااااااااااام عليكم ليش ماقلتولي ولا انتظرتوني ... حراااااااااااااااااااام
ابو عبيد : ههههههههههههههههههه لا خلك في البلاد هاي الله كتبها لنا وانت جاينك نصيبك ...
سالم : معليه ياريسه والله انج اتشوفين ..........
ريسه : عاااااااااااااااااااادي شو بتسوي الاهم اني شفت عزام وهو يصيد الحبارى واللي غيره مايهمني ..
عبيد : اسميكم خلاص عاد والله يا سالم اني قلتلهم يتريونك لكنهم مافيهم حيله عيو ...

وصل سعيد وسلم عليهم وتم سالم ايعاتبه ويعاتبه ...وقاله

سعيد : وش اسوي يوم ابو عبيد شبك في الخط ..
سالم : وابو عبيد وش يخصه ....هااااااااااه غير انتم ماتبوني افرح بطيري ...
ريسة : الله بيرزقكم انشاءالله ...بس اي شيء بتلاقونه لا تخبرونا لا انا ولا جدي علشان مانأذيكم ونقولكم نريد نهد طيرنا .....ههههههههه

وقرر ابو عبيد يبدل البقعه ويشوفله مكان ينزل فيه .. والصبح شدوا الرحايل ونزلو في روضة خضرا وحلووووه وخلو الحلال يفلي في الروضه وبنوا الخيم والبيت الشعر ... اما مهرة فراحت ونزلت معمل القهوه وجابت حطب وسوتلهم القهوه والشاي .. وحطته عندهم .. وقالولها سيري زقري سالم يتقهوا معنا .. وسارت ريسة تنادي سالم ويوم قربت من سالم سمعته يقول على اخر الأسبوع بنروح سوريا ... وانصدمت من كلمة سالم ...

ريسة : سـالـــــــــــــــــــم يبونك عمامي وجدي حياك عندهم ...
سالم : معليه انا كنت اكلم سيف ...
ريسة : سالم صدق بتروح لسوريا ...
سالم : نعم اني بروح بنستانس وبنغير جو وبنرجع تراهاااا ماهي ببعيده .. ويمدحون البنات هناك ..
ريسة : سالم مانته برايح تسمع .......
سالم : بــرووووح مب انا اللي تتحكم فيني حرمة تسمعين .......
ريسة : سالم تخير بيني وبينا سوريا .........
سالم : سوريا طبعاً .....

زعلت ريسة وانهارت من كلام سالم وبكت من الخاطر ...وصلت ركعتين وطلبت من ربها إذا كان لها في سالم خير انه مايسافر ولا يروح .... اما سالم فكان مستانس ان ريسه تغار عليه وكان معاند ويقول في خاطره لازم اخليها تتعود انها ماتمشي كلامها عليه ... وكان بعد حاط في خاطره انه بعد مايرجع من سوريا بيكتب كتابه على ريسة ... ومضت الأيام وسافر سالم ...وخذت في خاطرها ريسة من اسلوبه القاسي معها ... وفي يوم شافها جدها انها مكسورة الخاطر ولا عرف وش فيها وماسألها عشان مايضايقها ...

ابو عبيد : ريسة انا متملل واريد اروح في السيارة بشوف حلالي وين سرح اليوم ...
ريسة : انشاءالله فديتك يالله خلينا نسرح ... حتى انا متملله من البيت ...
ابو عبيد : اقول شغلي المسجل ...
ريسه : اف شو هذا حجاب خلينا نغير ...
ابو عبيد والله ماتغيرينه خليه انا اكيف عليه ...
ريسة : جدي الناس الحين مايسمعون حجاب وخلف لا خلااااااص
ابو عبيد : عيل وش يسمعون خبريني ...
ريسة : يسمعون عيضه وميحد ومحمد عبدوه ..
ابو عبيد : افيييه عليهم ذولا مايعرفون شيء وماعندهم ذوق اسكتي بس ...

وفي السيارة حكت ريسة لجدها اللي مضايقنها وحلف لها جدها انها ماتاخذ سالم بس لأنه تخير عليها روحت سوريا ... واستانست ريسه على كلام جدها ..وبعد مارجع سالم سوريا وراح يسلم ... دخل على ابو عبيد جالس في البيت الشعر يتقهوا ...واول ماسلم رشه جده بالقهوه وقاله قم قم لا شوفك وانته مب رجال لو انك رجال ماسرت في سواااد الوجه ... اتهبا يالله ...
اما ريسة ماطاعت تطلع لسالم ولا طاعت اتسلم عليه ... وحس سالم انه بدأ يخسر ريسة ,,,, ومضت الايام وكلم سالم ابوه في ريسة وراحوا يخطبونها من ابوها ...وابوها طبعاً موافق لأنه يعرف بأن ريسة لسالم وسالم لريسة
واجتمع الجميع في بيت ابو رسية ... وكان ابو عبيد موجود وساكت . قالوا خذو راي البنت وطبعاً من عاداتهم ان البنت تقول رايها قدام الجميع في المجلس ... ودخلت ريسة وهي ماتبا تشوف وجه سالم بس دخلت وسلمت عليهم واحد واحد وفي الاخير باست راس بو عبيد ... وسألوها وهي واقفه عن رايها والكل متأكد من موافقتها
وقالت :
ريسة : ماريده ولاني ماخذته ......
انصدم جميع الحظور من الاجابه ...
ابو يسة : اسميج بتاخذينه ...والشيء هذا منتهي ....
و الكل تفاجئ من ردة فعل ابو عبيد واللي وقف قدام الجميع ورفض ان سالم ياخذ ريسه ...
انقهر سالم وحلف انه يخلي ريسة تتندم على اللي سوته وانها تدفع الثمن غااااااااااااااااااااااالي ...
وسار عند ابو ريسة وقاله شوف بنتك تحب من ومن اللي معشمنها بالعرس ........
وعصب ابو ريسة وقال انا ضامن بنتي ... المهم انا سالم حاول يفرق بين ابو عبيد وبين ريسة ..
وتعذبت ريسة واااااااايد لأن المشاكل كثرة بين ابوها وجدها .........ابوها يريد ياخذها عنده وابو عبيد حالف مايفارقها ... وبعد سنة كامله جبرها ابوها على سالم وحلفت قدام ابوها انه يخسرها وحتى سالم بعد يخسرها قالها ابوها كيف نخسرج قالت بنتحر وبريحكم مني للأبد ....وخاف ابوها من كلامها وماقدر يجبرها ...وخبر سالم بالسالفه وقاله ما اقدر اجبر بنتي وانت الله يوفقك.. وحلف سالم انه ياخذ اجمل بنت في العالم وانه يقهر ريسة ويحيرها مدى الحياه ... وعرس سالم وخذ وحده ماتقربله وكانت جمييييله جداً .....
وفي يوم من الأيام كان فيه رجال ينقاله طارش من سكان العاصمة ويشتغل عند الشيوخ وريال شيخ وفيه خير ... ويعرف سعيد عم ريسة واتصل فيه وقاله بجيكم في العزبة نريد مقناص معاك ومع ابو عبيد مدة عشر ايام ... ووافق سعيد وقاله الله يحييك ....ويامرحبابك ...

وجاهم الرجال وجلس عندهم مدة عشرة ايام واعجب في ريسة وتصرفاتها واسلوبها في الحياة .. وكلم ابو عبيد ..
طارش : ابو عبيد هاذي بنتك ولا من ...
ابو عبيد : هاي بنتيه وانا اللي مربنها ...
طارش : مشاءالله الله يكملها بعقلها ...
ابو عبيد : امين انشاءالله ...
طارش : ابو عبيد انا عندي ولد وفي خاطري اخطبله ريسة كان محد عندكم محيرنها ...
ابو عبيد : ابر كها من ساعه وقربك ينشرى بالفلوس يارفيع المقامي ...
طارش : جعل ربي يسلمك ... عيل انا بخطبها من ابوها ...
ابو عبيد : ابركها من ساعه...

وراح ابو عبيد ايشاور بنته ريسة ... واللي قالت

ريسة : حرام عليكم ياجدي تبون الفكه مني ...
ابو عبيد : لا والله مانريد الفكه منج غير بس نباج تعرسين ونفرح بعيالج ..
ريسة : تبوني اخذ حظري وانا بدويه واحب البداوه والشده والنزله ....لالا ماقدر على حياة الحظر والمشكله انهم في العاصمة يعني في قلب الحظاره البحر حاديهم من كل جهه ...انا ماريد راعي سمك اريد راعي طيور ومقانيص ....
ابو عبيد : يابنتي هذا الرجال انا اعرف ابوه الله يرحمه رجال فيه خير وشيخ وله مكانته بين العرب وانا مار يدج تاخذين واحد ماله طاري لا اريدج تاخذين واحد فيه خير ومرحباني ومملوح ... وانا عارفنهم العرب ذيلا وماعليهم قصور ... وانا طالنج ماتفضحيني في الرجال اللي عطيته كلمتي ..
ريسة : مستحيل اني اكسر كلامك ياجدي لو اني ماريد العرس بس معليه ..

طارش كان عنده ولد اسمه خليفه عمره 26 متزوج من بنت خاله وكان ايموووووت عليها وجاب منها ولد وتوفت من مرض السرطان وحالف انه مايتزوج ولا يعرف غيرهااااا ودووووم ساكت وقافل على نفسه اللهم بس يروح يعطي محاظرات في الجامعة ويرجع ...بس من داخله كان انسان طيب وحنون ...
وكان ابوه باني له فيلا بروحه عايش فيها مع ولده واللي عمره ثلاث سنوات ... وفي ليلة من الليالي دخل طارش على ولده خليفه وسلم عليه وقاله ...

طارش : اسمع كلامي ياخليفه وخل عنك الاوراق اللي بين ايديك انا اريد اكلمك في موضوع ..
خليفه : كانه زواج ترا تعرف رايي في الموضوع ولا تناقشوني فيه ...
طارش : هيه نعم انه زواج وماريدك تفشلني ....
خليفه : ارجوك اسمحلي ماريد اتناقش معك في الموضوع ...
طارش : انا خطبت البنت من جدها والعرب موافقين وكان تريد تصغر مقامي في عيونهم وتوطي راسي ارفض البنت ........
خليفه : انته شتقول ......؟؟؟؟
انا ماريد العرس ماريده حراااااااااااااام عليكم ....انا مرتاح وربي يشهد عليه ....وماريد ادخل حرمة على نهيان تضايقه وتعذبه ...
طارش : خليفه البنت اللي خطبتها لك بنت على نياتها وحرمة وبدويه وفيها خير ومن عرب حشام .......
خليفه : يابوي انا دكتور في الجامعه وتبا تزوجني وحده جاهله اقسم بالله انه حراااااام عليكم حراااااااااااااام ...
بكيفك لكن ترا باجر لازم نكون عند العرب ويبالنا مسراح من الفجر عشا نوصلهم ...

ماقدر خليفه يسوي شيء وانقهر من تصرف ابوه واللي ماعجبها ... بس شو يسوي مايروم حيله ومايروم يوطي راس ابوه ولا يكسر كلمته ... حاول يخلي امه تدخل في السالفه لكنها ماقدرت ... تم يطالع ولده وهو يلعب قدامه وخاف عليه من الانسانه الاميه الجاهله واللي بياخذها خاف تحطم ولده او تعذبه ...
والصبح راح خليفه مع ابوه لأهل ريسة ...وجوهم وكلمو ابو ريسة في الموضوع ووافق وحاول سالم يتعرض لكنه ماقدر الكل وقفه عند حده ...

وللحديث بقية .....

[$ احلى من العقد لباسه $]

مشكوره على القصه وبأنتظااااااااار البقيه .......

[الاحرش]

يعطيك الف عافيه

على القصـــــــه
وفي انتظارك

وتقبل مروري

[@بنت الشيوخ@]

<<<تنطر على احر من الجمر...

مشكوووووور..

[هـــ رعشه ـــدب]

عــزيزتي ....بنت ابوها

مشكورة على رقة تواصلج
..........ألف شكر

....اجمل تحيــه

[هـــ رعشه ـــدب]

الأحـــــــــــــــــــــــــــــــرش

كم يسسعدني وجودك ... بين اورااقي
وجوداًً .... كله ذووق بتوااصله

....االف شكر ....شرفتني

اجمل تحيـــه

[هـــ رعشه ـــدب]

عزيزتي .....@بنت شيوخ@

....ااشكر روعه مرورج
.. اشكر ..........عطر ذووقج بالتواصل
... لاعدمتج ياارب


....أأجمل تحيـــه

[هـــ رعشه ـــدب]

قالهم طارش عيل انشاءالله اخر الشهر بنملك وبنسوي العرس قالوله على بركة الله .. وفي ركن من اركان البيت كانت حرمة ابو ريسة مقهووورة وراحت عند بناتها تكلمهم وقالت ....

حرمة ابو ريسة : انا مب مصدقه ريسة الجاهلة بتتزوج واحد متعلم وولد شيوخ لالا اه يالقهر وانتن المتعلمات بتيلسن على قلبي ..

هيا : يا امي شفيج قولي الله يوفقها حرام يتيمة ومسكينه ..
حرمة ابو ريسة : اخ محد مسكين غيرج يالهبله ...

وفكرة حرمة ابو ريسة انها تتقرب من ريسة وااااااايد وفكرت بعد انها تستغل طيبة ريسة وتخرب عليها يوم بتتزوج .. وتمت حرمة ابو ريسة توصي ريسة بأشياء غلط في غلط وريسة تصدق كل كلمة .. وفي الأخير فكرة حرمة ابو ريسة انها تحجب جمال ريسة عن زوجها وقالتلها ....

حرمة ابو ريسة : شوفي ياريسة الحين انا في مقام امج الله يرحمها وبوصيج وصاة ام لبنتها واباج تسمعين كل كلمة بقولها لج واول وصاه وهي الاهم انج تلبسين النقاب وماتعقينه فاهمه ابد زيييين لأنه بتكونين وحده متزوجه ..
ريسة : ليش حتى عند زوجي ...؟
حرمة ابو ريسة : هيه ولا تفكرين انج تعقيه ابد لأن الشيء هذا يترك الوحده تغلا اكثر واكثر عند زوجها ....

صدقت ريسة واستمعت لنصايح زوجة ابوها قرب أخر الشهر وخليفة متحطم مايعرف شو اللي بيسويه .. وفي يوم العرس راح كل اهل المعرس للعرس .
وزوجة ابو ريسه ماخلت الحريم يقربن من ريسه ولا ايشوفنها ... قفلت عليها باب الغرفه .. والمشكله ان زوجة ابو ريسه هي اللي عدلت ريسه بس شو سوت عطت ريسه خمس انقبه وقالت احتفضين فيهن .. ولبست ريسه النقاب وقالت الحذر الحذر تعقين النقاب ... قالت ريسه انشاءالله .. دخل خليفه على عروسه والحزن مالي روحه واول مافتح الباب شاف منظر ماتوقع ايشوفه ليلة زواجه وين الفستان وي ووين شاف زوجه تشبه الساحره .. سكت وقرب منها وكانت ريسه ترتجف ... قال شوفي يابنت الناس انا بقولج شيء واسمعيني انا انسان مالي في الزواج وتزوجت بأنسانه احبها وتوفت ولي منها ولد صغير ... لكن اللي بقول لج اني مابستمر اوياج لأني من البدايه رافض هالزواج ...


انصدمت ريسه من كل كلمة قالها لها خليفه ... معقوله يستويبي كل هذا انحرم من امي واعيش طفوله خاليه من الحنان وعند زوجة اب تكرهني وبعدين لما اتزوج واحس اني راح استقر اتزوج شخص يقولي هالكلام ليله الدخله ... انا ريسه بتطلق شو بتقول الناس عن اهلــــــــــــــــي ...

ريســــــه : خليفه انا مابي غير شيء واحد ...
خليفه : شـــــــــــــــــو ..

ريسه : الله يخليك لاطلقنـــــــــــــــي غير بعد سنة كامله ... ماريد الفضايح لأهلــــــــــــــي ..
خليـــــــــــفه : انشاءالله شورج امر باللي تقولينه وتشوفينه صح...

والصبح قال خليفه لريسه جهزي اغراضج عشان احنا طالعين وورانا درب طويل , راحت ريسه تصبح على يدها وكانت حزينه وقالتله ... احنا بنروح يا جدي .... قال لها ربي يحفظج يالغاليه وماوصيج على نفسج وعلى ريلج . راحت ريسه ترتب اغراضها عشان خلاص مافي وقت ولازم تخلص بسرعه .. وفي بيت اهل خليفه كان الكل مستعد لأستقبال المعاريس .. اتصل خليفه في امه وقالهـــــــــــــــــــا

خليفـــــــــــــة : الووو .... مرحبا امي .. اشحالج واشحال نهيان اربه بخير والله اني اشتقت له ...
ام خليفة : انا بخير ربي يسلمك ونهيان بعد ... ووينك ماوصلت احنا نترياكم ..
خليفة : امي رجاءً لاتعزمين حد ماريد الفشيله الله يخليج ...
ام خليفة : اعرف بدون ماتقول كفايه علينا لليلة العرس ... يالله معليه المهم توصل بالسلامه ...

ركب خليفة سيارته وريسة سارت تسلم على يدها مره ثانيه وحطت في ايده 1000 اريال كهديه له ... وقالتله احنا رايحين وان شاء الله بنتشاوف عن قريب ..
كانت الدموع في عيون ريسه ...كانت حزينه حيل وماتعرف شو بتسوي بس كانت اتقول في خاطرها وهي تمشي لسيارة ..برجع يايدي لاتخاف ماراح اطول الغيبه ..اما جد ريسه فكان واقف قدام الخيمة يطالع في ريسه ويبكي من فرقاها هي كانت كل شيء حلو بالنسبه له ماعمره تعود على فرقاهااا لكن هذا هو القدر وهذا هو المكتوب
ركبت ريسه السياره ...كانت ساكته وتفكر فكرتي في كل شيء فكرت في حياتها من طفولتها لين هذا اليوم اللي ركبت فيه مع واحد تحسه غريب زوج على الورق وبس زوج قدام الناس وبس ...قالت يارب احد من اعمامي يجلس مع جدي في هاللحظه
دخلت ريسه العاصمه ,عمرها ماشفتها ...حست كأنها داخله في سجن ...لكن راح تطلع من هالسجن بعد سنة كامله , ياري كيف بقضي هالسنة شو بيصيرلي ..

ووصلو للبيت شافت ريسه قصرين مع بعض في نفس الحوش قالها خليفه نزلي احنا وصلنا ...دخلت ريسه مع خليفه ...استقبلتهم حرمة كانت هالحرمة ام خليفه ..ومعاها بنت وكانت هالبنت اخت خليفه ... شافت ولد صغير ياي يركض من اخر الدنيا ويقول بابا قالت اكيد هذا نهيان ولد خليفه ... يلست ريسه وطلبت منها ام خليفه تعق النقاب ولكن ريسه ماقدرت لأنها تذكرت كلام زوجة ابوها ... وحست انها بتسوي شيء غلط ... حاووووول فيها بس هي ماطاعت ...واخر شيء دخل طارش وسلم عليها وكان فرحااااان .... مضى اليوم وكل واحد راح لبيته ..
يلست ريسه مع نهيان وحاولت تتقرب منه وتلعب عاه ... وفجأه ناداها خليفه وقالهــــــــــــا

خليفة : تعالي ريسه اريد اقولج شيء ...
ريسه : انشاءالله ...
خليفة : اسمعي ترا اللي في الزاويه هناك غرفتي وما احب اي حد يدخلها ... وانتي غرفج اللي عند السلم ...واللي هناك جدامنا بالضبط غرفة نهيان وانشاءالله يوم يكبر بحطله فيها كمبيوتر وغرفة نوم ..
ريسه : ليش نهيان وين يرقد ...
خليفة : غرفته حذايه ويرقد مع بشكارته ..
والصبح صحت ريسه مثل كل يوم من الفجر ودخلت المطبخ وراحت تسوي ريووووق لخليفه ... حطت الريوق في الصاله وراحت تصحي خليفه ....وتمت ريسه دق الباب ... وفجأه فتح خليفه الباب وتم يصارخ ..

[هـــ رعشه ـــدب]

خليفه : اسمعي نهيان لا تقربين منه ومهما حاولتي عمرج ماراح تكسبيني فاهمه وياويلج لو بس شفتج يالسه تلعبين معاه انا يايب بشكاره خاصه لنهيان عشان تأكله وتلاعبه وتهتم فيه وهو مو بحاجه لأي شخص .

بكت ريسه من الخاطر وحست بحزن عميق في قلبها ماعرفت شو بتسوي ولا وين بتروح مالها حد تيلس معاه او تشتكيله حست بشوق لجدها وكلامه حست بشوق لأهلها تذكرت البر وجدها اللي توديه كل مكان واللي عمرها مافارقته والحين صار لها اربع شهور ماتعرف عنه شيء مضت الأيام وخليفه ينتقد ريسه في كل شيء ونهيان دووووم يلعب عند ريسه ومايرضى يروح عنها اي مكان ولا ياكل من أيد البشكاره يا كل بس من أيد ريسه وفي يوم من الأيام مرض نهيان وطاح على البشكاره وجت البشكاره تركض بالولد ورمته على صدر ريسه وحظنته ريسه قالت شوفيه ..
البشكاره: ما اعرف كان يلعب وفجأه تم ايرجع وطاح علي ..
كان الولد تعبان ايرجع وما يقدر يتنفس خلااااااااااص سكر اعيونه كأنه نايم وريسه جن اجنونها ماعرفت شو تسوي ولا وين بتروح ....
احتارت ريسه وماعرفت كيف تقول لخليفه لأنه مو في البيت واهل خليفه كلهم مسافرين شو بتسوي وماتعرف كيف تتصل في خليفه ولا تعرف تستخدم التليفون وبعد تقريباً 3 ساعات دخل خليفه على صوت الصراخ وحصل نهيان طايح على الأرض وحرارته مرتفعه وكالعاده تم ايلوم ريسه ويصارخ عليها ..

خليفه : صدق انج اميه ومتخلفه ماعرف ليش ابوي زوجني وحده مثلج بس الحمدلله ان السنة قربت وتخلص وافتك ... يالجاهله كيف تشوفين الولد تعبان ومادقين علي التليفون ..

ريسه : ( كانت تبكي وخايفه على نهيان ) انا ماعرف استخدم التليفون ولا في حياتي استخدمته وماعرف اتصل ... شو اسوي ..

ودا خليفه نهيان لأكبر مستشفى في العاصمة كان نهيان تعبان ومايتكلم وفي غيبوبه مايعرف شو اللي يدور حوليه ... اما ريسه فكانت تبكي وماتعرف شو اللي صار على نهيان لأن خليفه ماخلاها تروح معاه للمستشفى .. وفي الاخير جتها فكرة انها تطلب من السايق يوصلها للمستشفى اللي فيه نهيان ... وراحت ريسه ...
وأول مادخلت قسم الترقيد شافت خليفه في وجها وطردها وقالها منو اللي جابج يالجاهله للمستشفى ارجعي البيت لاتفضحينا انتي وهالقناع ...

ريسه : ما راح ارجع قبل اطمن على نهيان ..
خليفه : راح ترجعين فاهمه ......وخلي عنج حركات التمسكن لأنها ماتمشي علي وانا عراف وفاهم انج تبين تكسبيني عن طريق تعلق نهيان فيج وادري بعد انج انتي واهلج طامعانين في الاملاك ولا تحسبون ان هاي الأمور بتمشي علي انا وانا انسان جامعي ومثقف وفاهم الحياه
ريسه : دوووم تقولي فاهمه واسكت ما ارد عليك لكن اسمحلي انا اليوم اقولك انه طز فيك وفي مركزك وفي اموالك فاهم وانا ماراح اطلع من المستشفى قبل اطمن على نهيان تسمع وصدقني قبل تخلص السنة انا راح ارجع لأهلي حياة احرار ولا حياة عبيد .....

استغرب خليفه من ردة فعل ريسه ماكان يتوقع منها كل هالكلام كيف وحده جاهله يطلع منها كل هالكلام ... واول مافتح نهيان اعيونه قال ريسه وتم يناديها راحت ريسه ركض لنهيان وتمت ريسه حاظنه نهيان وهو يكلمها لكن خليفه كان وجه احمر من العصبيه كيف ولدي ومايناديني
قرب خليفه من نهيان عشان ايبوسه وقاله نهيان روح روح انا اريد ماما ريسه انصدم خليفه من كلمة ماما ...

خليفه : لا نهيان هاي مب ماما ..
نهيان : لااااااااا ماما ماما
ريسه : انته شفيك ماتشوف الولد تعبان ويالس تعانده ..
خليفه : انتي شكلج تبين تعلقين الولد فيج عشان تنتقمين مني انا اعرف ...
ريسه : انا الحين فرحانه بسلامة نهيان وماراح ارد عليك ولا كلامك هذا له رد يليق فيه بس ماراح اقوله الحين ..

طلب الدكتور من ريسه مدام انها اقرب شخص عاطفياً على نهيان انها تنمام معاه ...رفض خليفه لكن ما قدر ... نامت ريسه مع نهيان ... وفجأه سمعت ريسه باب الغرفه يندق راحت وفتحت الباب ...شافت حرمة غريبه ... سلمة الحرمة وتعرفت على ريسه قالتلها انا نورة وعندي بنتي تعبانه في الغرفه اللي جنبكم ...

ريسه : هلا ومرحبا نورة عاشت الاسامي ... انا ريسه ..
نورة : تعيش ايامج يالغاليه .... مشاءالله هذا ولدج ؟؟
ريسه : احم لااااا ...
نورة : ولد منو ؟؟؟
ريسه : قصة طويله ...

حصلت ريسه صديقة طيبه وحبوبه وفي نفس عمرها تقريباً وصارت نورة تزور ريسه في البيت دائماً وحست ريسه براحه اتجاه نورة ... وحكت لنورة قصة حياتها كامله ... وتمت نورة تنصح ريسه ..

نورة : انتي ياريسه بالهنقاب تحجبين جمالج عن زوجج ... لازم ياريسه انج تهتمين في شكلج اكثر من اهتمامج في البيت .. ممكن ريسه تشيلين النقاب خاطري اشوفج ...

شالت ريسه النقاب وانبهرت نورة من الوجه الطفولي اللي كان خلف النقاب وانبهرت من جمااااال ريسه .. ولا حبة الخال اللي على خدها واللي ترسم ملامح الغرور على وجه ريسه

نورة : حرااااااااام عليج شو هذا معقوله كل هالجمال وتخبينه ... اسمعي زوجت ابوج كانت تبي دمر حياتج والله صدقيني ياريسه .. المهم ياريسه انا الحين بروح للبيت وانشاءالله للحديث بقيه
ريسه : وين بتروحين يانورة ... بعدني مايلست اوياج ...
نورة : انشاءالله بزورج عن قريب وبشتريلج ملابس احسن عن اللي شاريتهم زوجت ابوج ..
ريسه : مشكوره ماقصرتي بس انا مابي غير طلتج الحلوه علينا ...
نورة : تسلمين يالله فمان الله ...

رجع طارش وعائلته من السفره وكان عندهم عرس بنت اخت طارش والكل معزووووم على العرس ... وكان خليفه متضايق ومايعرف شو بيسوي .. وراح طارش يسلم على ريسه

طارش : السلام عليكم ........
ريسه : مرحبا الساع هلا والله وعليكم السلام والرحمة ....

[هـــ رعشه ـــدب]

طارش : مرحب باجي واشحالج يالغاليه ,.
ريسه : ابخير وسهاله يامرحبا باللي طولو الغيبه ..
طارش : ايه والله طولنا الغيبه لكن مادرينا ان فيه ناس بيشتاقون لنا
ريسه : نهيان ميت من الشوق بروح ازقره لك ..
وراحت ريسه تزهب الفواله وتحط الدخون والقهوه لعمها طارش وراحت ركض لنهيان وشالته وهي تركض ونهيان ميت من الضحك وودته عند جده ...

طارش : مرحبا بالحامل والمحمول .......تعال فديتك تعال سلم عليه ...
ريسه : نهيان سير سلم على يدك وقوله وين هديتي من السفره ...
طارش انا مانسيتكم .. وهاذي لج ياريسه وهاذي لنهيان ...
ريسه : وااااااو شو هذا ياعمي ...
طارش : هذا طال عمرج طقم الماس لكنه تراه مب اغلا منج فديتج والسموحه منكم
ريسه : لا ياعمي انا ماريد غير سلامتك ليش كل هالمصاريف ...
طارش : انا بالعاني يايبنه لج عشان تلبسينه في عرس بنت اخوي واريد كل حريمنا ينبهرن
ريسه : العرس متى ....؟؟؟؟
طارش : كيف ماقالج خليفه ......؟؟؟
ريسه : لا ماقالي العرس متى ..........؟
طارش : الجمعه انشاءالله .........
ريسه : مشاءالله يعني بعد يومين ...
طارش : هيه ...

كان خليفه عند امه وكان يشتكي ويقول انا ماريد ريسه تروح للعرس لأني ماريد تفشلني .. شو بيقولون الناس هاي حرمة الدكتور خليفه ... ارجوج يا امي اتشوفين لي صرفه ... لكن امه قالتله بأنها ماتقدر تتدخل في السالفه لأن طارش يبا ريسه تحظر للعرس ...
رجع خليفه للبيت وكان مهموم ومعصب وشاف ريسه جدامه .....قالـــــــها .....ز

خليفه : نعم ...خير شو اللي صاير ...
ريسه : ماشيء صاير ..بس اريد أسألك إذا تبا احط لك عشى
خليفه : سمعو من يسألني الجاهله تسألني إذا ابا العشى ... ههههههههههههههههه بمووووت من الضحك ...
ريسه : الله يسامحك انا ماراح ارد عليك راح أأجل الرد على رمستك .
خليفه : لا ليش الحين ردي علي دخيلج ليش بعدين ..
ريسه : لأن الوقت مب مناسب ... تصبح ع خير

طلعت ريسه عشان تنام وكان خليفه ينادي وينادي وماعبرته ..وأول مادخلت ريسه في غرفتها سمعت تليفون الغرفه يرن وكانت ربيعتها نورة ...
ريسه : الوووووووو..........
نورة : هلا وينج من متى وانا اتصل ومحد يرد ......
ريسه : اسفه والله بس كنت مشغوله تحت ... وتبين الصراحه اتصلتي في وقتج ...
نورة : خير شو صاير ....؟؟؟؟
ريسه : عندنا عرس يوم الجمعه وانا ماعندي خبر واريد اكون غير هاي فرصتي عشان اثبت لخليفه اني مب متخلفه بلييييز ..
نورة : انشاءالله بس المشكله مافي وقت وتبين فستان للعرس ....بس معليه انا بشوفلج ارقى فستان ومن بكره بحجزلج في الصالون اللباني ...
ريسه : انا ماعرف في هالأشياء والله بس اريد مساعدتج ...
نورة : انشاءالله باجر الثلاثاء بنروح انا وانتي عشان الحنا زين ... وبعدين بنشوف محل الفساتين في الخالديه ...
ريسه : اوكي انا اصحى بدري ...
نورة : خلاص ولا يهمج والله اني اغير شكلج وانتي مشاءالله عليج ماتحتاجين ميك اب ثقيل لأن ملامحج حلووووووووه ...
ريسه : مشكوره يا اغلا صديقة في حياتي ....

سكرت ريسه الخط وكانت تفكر كيف بيكون شكلها وهل بتعجب خليفه ولا لا ...,,, اما خليفه فكان معصب ومهموم ومايريد ريسه تحظر العرس ... قال احسن اني اتصل في ابوي واقوله ريسه مب لازم تحظر .......اتصل خليفه في طارش وطلب منه ان ريسه ماتحظر لكن طارش حلف ان ريسه تحظر وان خليفه هو اللي يسوق فيها ... مثل اي واحد يودي زوجته لأي مكان
انصدم خليفه من طلب ابوه ...
والصبح مرت نورة في ريسه وودت ريسه للصالون عشان الحنا ... وبعدين راحو يشترون فستان واتفقوا مع الصالون اللبناني على الميك اب ... ورجعت ريسه للبيت ع الساعه 2 الظهر وكان نهيان ميت من الشوق ويدور ريسه في كل مكان ومارضى يتغدا حتى خليفه ماقدر عليه وصلت ريسه وفتحت باب البيت وركض نهيان لريسه وتم يناقز يباها اتشيله مثل كل مره عطت ريسه البشكاره كيس الفستان وقالت وديه فوق وشالت ريسه نهيان وتمت تبوسه وبعدين قالت يالله عشان نتغدا اما خليفه فكان يالسه اونه ايشوف التلفزيون وهو يطالع ريسه بطرف عينه ويشوف تصرفاتها مع الولد ...
وصل يوم الجمعه ونورة ماقصرت دخلت بيت ريسه وجابت معاها اثنين من الصالون اللبناني عشان ريسه وحده تحط ميك اب والثانيه تعمل التسريحه ...
وبعد 3 ساعات طلعت ريسه مثل الاميره اللي في القصص حتى نورة انبهرت وقالت شوفي والله شفتي هالنقاب في الزباله ولا تسألين عليه خلاص ... قالت الخبيره مشاءالله هاي اجمل بنت انا عملت لها الميك اب في العاصمه كأنها عروس مشاءالله ...لبست ريسه الفستان وطقم الاماس
وبعد صلاة المغرب راحت ريسه ولبست نهيان ثوب جديد دخل خليفه من الباب وهو يشم البخور ودهن العود وشاف اميره تنزل من السلم ماعرف منو هاي اللي في بيته ... كانت مستحيه ومنزله وجها في الأرض اول مره تقابل خليفه بدون نقاب ... قربت ريسه من خليفه وهو مايقدر ينزل اعيونها من على هالأميره وفجأة سمع البشكاره اتقول مدام ريسه هذا نعول نهيان ... انصدم خليفه قال لا مستحيل هاي ريسه لالا ... ولما سمع صوتها انصدم اكثر ...معقوله تكون ريسه دره جميله لاااااا ... اقتربت ريسه من خليفه وقالتله الحين بنطلع ....؟؟؟
خليفه : هااااااااااااه شـــــــــــو ....؟؟
ريسه : اقولك الحين بنطلع للعرس .........؟؟
خليفه : هيه ...

ركبت ريسه مع خليفه ونهيان معاهم ... وخليفه ماشال عيونه من ريسه مصدووووووووووم ومايقدر يتكلم حتى شارع العرس ضيعه وتم يلف ويلف والناس تتصله وهو مطنش وريسه تسأله شوفيك احنا اتأخرنا على العرس وخليفه ساكت ...