اعزاي اعضاء منتديات قبيله العجمان هذه اولى مصافحتي لهذا الصرح
واتمنى ان تحوز هذه الابيات المتواضعه على رضاء الجميع
وهي بعنوان /العولمه
يالله مساء خير سترك يالله ياساتر=استر علينا من الوقت وبلاويه
ذالليل انا ضايق ومتكدر الخاطر=وهجوس شعري على الدفتر لها نيه
حلفت علي بيمين تقول يا جابر=اكتب عن العولمه واسنين اللفيه
واقول لا يسمعك مسلم ولا كافر=واصبح ضحيه وافكاري جنونيه
وتقول ياعزتي واتقوول انا شاعر=ياعزتي لك تراها ماهي بهيه
حط النقط فوق الاحرف والزمن جاير=اما استوت معك والا تشين موليه
قلت اركدي والعني الشيطان انا خابر=باللي علينا يصير ودارت رحيه
تفجير قتل ابرياء وارهاب متكاثر=وحروب قذره وحملات ٍ صليبيه
والمصطفى يسبه الدجال والفاجر=نجس ٍ خسيس ٍ ديانته اليهوديه
وسب ٍ للاسلام سب لديننا الطاهر=واقصى ما نفعل خطابات انتكاريه
ولبنان تقصف ولا قوة ولا ناصر=وبغداد فيها جرووح الحرب مدميه
وكابل الى الحين من جرف ٍ الى حادر=وايران اخر فرصهم لنتهازيه
تهديد ترهيب وادرك وانتبه حاذر=الحرب والا عقوبات اقتصاديه
اما فلسطين نسيت حضها عاثر=واحنا قممنا بافكار ٍ امريكيه
كذب ونفاق وخدع والمجتمع صابر=ومانطلع الا بخطابات ٍ صحفيه
بترولنا راح والثروه له تجاور=وقالوا هذا الوقت صاير عصر حريه
بالمختصر صارت الامه بلا ثاير=خلاص يا هجوس شعري ما بقا فيه
طاقة على ما سمعت وماني اناظر=بقفل الباب والله حدي هنيه
قالت بقا شي وين تروح يا شاطر=العولمه باقيه ماهيب منسيه
فقلتو هل هي تسرو نظرت الناظر=ام هي دراسات ام افكار علميه
قالت تفلسف تجاهل وين بتغادر=بعلمك عولمه ذا العصر وش هيه
قلت اسلمي قالت العالم ترى صاغر=قريه صغيره بالاقمار الصناعيه
وقمت اتعجب وقلت اثر الزمن داير=قالت لا تفرح تراها والله عكسيه
شبابنا ضاع صار المجتمع خاسر=لخلاق تنحل والعادات غربيه
واكثر واكثر ولكن جامل وساير=والا توطوك بإقدام ٍ حديديه
قلت النهايه كذا ياوقتنا الباير=قال انتبه حسن اللفاضك ترى ليه
يد ٍ طويله وتاصل دوون ما اغامر=تسرق حياتك ولا هي بحراميه
قلت العفو يالله سترك يالله ياساتر=استر علينا من الوقت ابلاويه
اخوكم/ جابر ابن صويع
22-08-2007, 12:32 PM
العرض الشجري