تكفى ابتسم :)

[سهوم بقعهـ]

السلام عليكم
هذي قصيده للشاعر البحريني:محسن الحمري((جريح المحبه))
جازتلي وحبيتّ انقلهآ لكم
----

زعلان لكن عارف اشلون اراضيك
ما حد غيري يعرف بطبـع خلـي

اعرفك لي منك تضايقت واشفيك؟
ما عاش من زعـل حبيبـي وكلـي

من نظرتك من هيئتك من تغليـك
اقرا ملامح (ضيقتـك)..لا تقلـي

ادري عليّ زعلان لكن اوريـك!
واشلون ترضى يابعد كـل منلـي

ملح الحياة اني اضمك واخليـك!
وش هي الحياة بدون جد وتسلـي؟

ساعات لي خاطر اجيبك ووديـك
وارفـع حـرارة حبنـا بالتغلـي

اقول (ماحبك) وما ابيك..مابيك
عشان (اغيضك) بس وافش غلـي

ولا الحقيقه اني اهـواك واغليـك
ومحبتـي لـك مابعدهـا تخـلـي

ودي احطك وسط عيني واغطيك
عشان ماتبعـد عـن العيـن ملـي

لي غاب حسك نبض قلبي يناديك
يشتاق لك بالحيـل يابعـد كلـي

واقعد انا والشوق دايم بطاريـك
افكارنـا مابيـن ربـطٍ وحـلـي

زعلان مني..كل كلي يراضيـك
ماحد غيري يعـرف بطبـع خلـي

يالله ابتسم يالله.. ذبحنـي تغليـك
يكفي حبيبي (مد بـوز) وتغلـي!!


----
انشاءالله تعجبكم
تحياتي*-*

[برقع الصقر]

صح لــسااان شاعرهــاا


تسلمين يا سهــوم بقعه ع الــنقل الــحلوو ...!


تـــقبلي مـروري

[ريــــــانـه العــــود]

سهوم



صح لسان قايلها وتسلم يمين ناقلها

[دوسري يحب العجمان]

زعلان مني..كل كلي يراضيـك
ماحد غيري يعـرف بطبـع خلـي

اعرفك لي منك تضايقت واشفيك؟
ما عاش من زعـل حبيبـي وكلـي

صح لسان شاعرها ولاهنتي سهوم بقعه على الاختيار الجميل

ومواضيعك جدا رائعه

وتقبلي مروري...

[سلطااان العتيبى]

سهوم بقعه






لاهنتي على النقل المميز ولاقصرتي







وتقبلي مروري

[سهوم بقعهـ]

حيـــ،،،ــاكم الله

ويسلموؤ ع المرور الرائع

[مناحي الصميل]

صح الله لسانه


وصح نقلك ياسهوم بقعه



لا هنتي على الإختيار الحلوو

[سهوم بقعهـ]

يا هلآ والله اخويّ مناحي
ويسلموؤ ع المرور الاحلى