السلام عليكم ورحمة الله وبركاته=
ابيات متواضعه عساها تحوز على البعض القليل من استحسانكم=
توني معك والحين تسأل عن أحوالي؟=سـلامتـك قـلّـي عسـى مـا هنـا شـــر؟
مشتاق والا تشوف إن كنت انا سالي=عنــك وتـظـن القـلب من حــبنــا فـــر
وشلون أنا انسى غرامك ياهوى بالي؟=وبعـدك غزيـر الدمـع فـي غيبـتك خــــر
ودك تـعرف شلون أرحـل وانا مـالي=غيرك يسليني..... تبي تعرف السّر؟
خفت اتـعوّد واشوفك دايم قبالـي= وتغيب وابقى وحيد إلى الزمن مر
دنياي (قهوه) وانت مثل (التمر) حالي=أقدع من الحـــالي واشرب من المـــر
لازم عشان اعيـش اشرب من دلالـي=أخشى يجيني من حلا طعمك الضر
كثر الحلا فيك يذبحني ولا يبالي=يأسر خفوقي وانا من عادتي حر
خلني أغيب اليوم وبيومي التالي=تعال واروي ضما روحي من الـحر
لكن تجـي وتـزود حلو ٍ على حالي؟=لاطــاب قلبـي مـنـك ولا غـدا الشر!!
وسلامتكم=
04-09-2007, 10:44 PM
( توني معك والحين تسأل؟؟؟؟؟ )
العرض العادي
