بعض من قصائد ..المرحوم عامر بن نوطان ال جابر المري

[العقـ(أبن)ـيد]

السلام عليكم ورحمة الله وبركاته ..

تعريف عن الشاعر :

هو عامر بن حمد بن نوطان آل جابر المري (( رحمه الله )) , وهو ابن العقيد والفارس المعروف حمد بن نوطان احد فرسان قبيلة آل مره العريقه ..

وحبيت ان اختار بعض من القصايد .. ولو استطيع كان نزلت قصايده كلها لكنها واجد ..


نبدأ بأول قصيده وهي اول قصيده قالها وكان ابن الثانية عشر من العمر وهي قصيدة رثاء التي رثى بها ابيه حيث قال :







ياونتي ونة عميق الطعونـي = في ملتقى الزلبات خلّوه قومه

عليك يابوي اللطيف الحنوني = اللي لنا نفسه رؤوفٍ رحومه






وله في القصائد الوطنيه عدة قصائد في دول الخليج وحكامهم ..

نذكر هذه القصيده :


))الوالـــد البـــــــار ))

أبيات في حضرة صاحب السمو الشيخ جابر الاحمد الجابر الصباح حفظه الله ورعاه حيث قال :







يا مرحبا ياللي عبر كل الابحار= ضحّى بروحه للكويـت واهلهـا

متابعينـه بالجرايـد والاخبـار = ونشاهده فـي كـل دارٍ نزلهـا

يا حاكمٍ حكمه على الشعب ماجار= نفسه على شعبـه بعيـدٍ زعلهـا

شيخٍ حنونٍ كنّـه الوالـد البـار= واهل الدار يرفـا خملهـا

لولا حماة الدار ماعاشت الـدار= ولا تعـلّـت بالمـبـانـي فللها

سديد راي ان كان ضاعن الافكار =نفسه عسى ربي يطـوّل مهلهـا




.......

وننتقل الى باب قصائد الغزل :

((الحـــــزن يوجــــــع ))




الحزن يوجع مفاخت الجنيني =والحزين اللي جروحه مستكنـه

حالف ان اموت واوسّد يمينـي = لادله قلبي ولا سجيـت منـه

عاتقٍ حبه وماضيٍ له سنينـي = مقرعٍ قلبي عليه اقـراع شنـه

اجحد الخلة وانا قلبي حزينـي = واتعزز كن نفسـي مرجهنـه

ان رقدت آخذ بنومي ساعتيني = وان صحيت اتابع الونه بونـه

حي من قبل امس شاهدته بعيني = سجة ٍ وياه بعض الوقت جنـه






((الديـــــار الجنوبيــــــــه ))




تعودت مبدا الرجـم صبـحٍ وعصريـه= وعيني من الدمعه خـذت حقهـا وافـي

الا جيت بخفي الحـزن بانـت مواريـه = ودمعة عيوني بينـت حزنـي الخافـي

اجامل مـع الخـلان جـوزا معذريـه = وكل الجـروح اكنهـا بيـن الاجنافـي

وكنـي مريـضٍ مايبـيـن مشاكـيـه = يجامل مـع الـزوار ويقـول متعافـي

مريضٍ مرض قلـبٍ وعينـي شقاويـه = ومبطي وانا مـن لـذة النـوم متجافـي

وقلبـي حنـونٍ للـديـار الجنوبـيـه = وطول البطا ماغيرت حبهـا الصافـي

ومبداي فـي عـرقٍ تعنكـب ذواريـه =هو احب من قصرٍ بني قرب الاسيافـي

هل الجوب ذكروا ربعوا في ضواحيـه =وقالوا غواميس النخـل عشبهـا زافـي

وحلـوا هـل الذيـدان عنـد الرماديـه = وخذوا في جناب الغرس مشتى ومصيافي





((الرجـــــــــــم الطويـــــــــــــل ))




جية الرجم الطويل اكبر خطيه = غير حدتني غرابيل الليالـي

احسب ان عيني عزايمها قويه = لين شفت الليل داركني لحالي

ودي اصبر غير مالي مقدريه = دمعة العين الحزينه ماتمالـي

ذاالسنه ماعاد فيها مجامليـه = وانكشاف السد ماهوب الهوالي





والقصيده اطول من كذا ........

)) بــــــس ياعينـــــي ))




ونتي منـا الـى مالـه نهايـه = من جروحٍ في ضميري مستكنـه

بس ياعيني من الدمعـه كفايـه = المفـارق واقـعٍ لابـد مـنـه

ماحسبت حساب روحي في البدايه =عادني طربٍ وروحي مرجهنـه

مبطيٍ والحزن والينـي ولايـه= صادرٍ حكمه علي من غير سنـه

كيف يعدم واحـدٍ مالـه جنايـه = ياهل المعروف شيلوا الظلم عنـه





)) خاطــــري داروه ))




ونتي ونةٍ خلـوجٍ مـع الوقـت العتيـم = وكدت مذبـح ولدهـا وحالـوا دونهـا

حالي اللي راحت اشجار وديانـه هشيـم = مبطـيٍ مازيـد دب الحيـا بغصونهـا

لاجرى ماها ولازيـد حركهـا النسيـم = من بطا الامحـال فيهـا تغيـر لونهـا

كانيٍ مابي وانا مخفـي ٍ شـي ٍ عظيـم = وكل الارض اليوم ضاقت علي ركونها

ياعرب تكفون من كان له قلب ٍ رحيـم = كل نفس ٍ صابها الحـزن لا تقصونهـا

خاطري داروه ياللـي تـدارون اليتيـم = وان بكت عيني من الدمـع لا تنهونهـا

كبدي اللي لاعها خافي الحـزن السقيـم = كـل ماقلنـا تشالـت تزيـد طعونهـا

كل ما بريت جروحي من الحزن القديـم = جيت دار ٍ حايـل ٍ البطـا مـن دونهـا

في الهوى حزات من وصف جنات النعيم = وفيه نار ٍ جملـة الخلـق مـا يقوونهـا






ونذهب الى باب القصائد الاجتماعيه حيث ابدع الشاعر في تناول القضايا الاجتماعيه
ونذكر بعض من قصائده الاجتماعيه :

))أهـــــل النميـــــمه ))




أهل النميمه والحكي والمسبـه= بين الاخوان يولعون السعيـره

ناسٍ من الحبة يحطـون قبـه = ويكوّنون من الصغيره كبيـره

مكثرة حقدك على مـن تحبـه= ومفرقه بين الخشير وخشيـره

رجلٍ كلامـه مايسنـع مطبـه = قبل يتكلم مايحاسـب ضميـره

لبّاس ثوبٍ يجهلون العرب بـه= وهو تابعٍ ممشى الوجيه الحقيره






)) حلــــــول المنــــــادي))





البارحه حاربـت لـذة رقـادي =ابكي على وقتٍ تذكـرت فرقـاه

عزالله انـه فـات دور البـوادي = وجانا زمانٍ ليت حـن مالحقنـاه

وصارت حياة البل حياة الزهادي = عزي لها من جيل ذاالوقت عزاه

رعيانهـا بمسـجـلات وروادي = ومواترٍ ماشـت منهـا توطـاه

ابنك يضم ابلك ضمامة نكـادي = واعدى عدوٍ مايسـوي سوايـاه

تارك صلاة وبالمراجل ربـادي = لوجاه بسٍ كل زهابـه وخـلاه

من عقب ماهو قاصرٍ في المهادي= ويفز قلبك كل ما تسمـع بكـاه

عليك قلبـه ممتلـي بالسوادي = ونسى حنانك له وكثر المراعـاه

لو كبر سنه ماعليـه اعتمـادي = مسلوب عقلٍ مابقـى الا ريايـاه

احسن تقول امرح مراح الجرادي= وتقول جعله هفة مقيط وارشـاه

يا سايمٍ هزعا الفقـار السنـادي = لاهي بمبيوعه ولاهـي بمهـداه

مهبول يا سوام مهجـة فـوادي = مايدري انه تل قلبي من اقصـاه

لو ساق مالٍ مال كثـره اعـدادي = باقول لا ماعاد فيهـا مقاصـاه

وشلون توخذ ماوراهـا طـرادي = وكسّابها مامعـه مايذبـح الشـاه

البل ثمنها عنـد قـدح الزنـادي = وقولة فلانٍ طاح وفـلان خـلاه






والقصيده اطول من كذا ...

)) ذكّــــر علـــى عيــــني ))




ذكّر على عيني وهيض عناها= الديار الخاليـة عقـب اهلهـا

ماجيت من دارٍ قعدت اهجاهـا= واسأل ديار الحي عن من نزلها

شفت الديار اللي رحل من بناها = راحت جدايدها وباقي سملهـا

كم مجلسٍ ضوّه يقودك سناهـا = رحل مصاليها وغاب معملهـا

لاخير في الدنيا ورزقٍ وراها = على البشر صكاتها ماعجلهـا

دنياً على الاجواد دارت رحاها = خلـت منازلهـم تهـدم حللها

لو ان جزع عيني وكثرة بكاها = ترجع لنا قومٍ تقافـت رحلهـا

نخيت عيني لا تباخـل بماهـا = وبكيت لين العين ييبـس بللها

على بني عـمٍ طـريٍ نباهـا = ياليتها ترجع ويرحـل بدلهـا






والقصيده اطول من كذا ..

)) عــــــــالم اليـــــوم ))





عن كشف سر الناس ماني بملزوم= وشورك لمن لا يطلب الشور ضايع

عن عالم امسٍ يختلف عالم اليـوم = متخالفيـنٍ بالشـكـل والطبـايـع

ياما من العثرات والشـوم واللـوم = الله يخرجنـا ببيـض الصنـايـع

يارب من صلى لرجواك ويصـوم = وروحه وداعه وانت راعي الودايع

يالله عسى ماني من العفو محـروم = عسى ذنوبي ماتجـي لـي منايـع






((في امان الله يا البل ))




في امان الله يالبل عسى حظك يزيـن = تعتنز روحي من الثقل فـوق كفوفهـا

هملوك اللـي بعدنـا وحنـا منتهيـن= غصب ولا العرب ماينّسى معروفهـا

حزت منك يوم ذهّبت في روحي عوين = الجهد كمّـل وعينـي تدانـى شوفهـا

حي وقتٍ فات يالعرب جرعات الحنين = يوم اهلهـا دونهـا يفتقـون سيوفهـا







((قمــــت اتذكـــــر ))




قمت اتذكر رموس الحزن وجـداده= وانا على هلـة العبـرات مهيافـي

ياعد لاعاد لـك رغبـه ولا راده = من يوم شفنا جباك من العرب عافي

عيني بكت والبكا قد هو لها عـاده = ماريةٍ عن زيادة حزنهـا الخافـي

كم واحدٍ قـد بكـا وبكـاه مافـاده = الايام قد عذبت ماضين الاسلافـي






((نـــودٍ من الغربـــي))




نودٍ من الغربي وروس المبـادي = يسوى جديد القصر لو زان مبداه

بارضٍ جديده والمنازل جـدادي = ماكان في قلبك من الهـم تنسـاه

لازان نبت العشب في كـل وادي = مثل الزوالي اللي تنشّـر مشـراه

شرفت حاديني من الهـم حـادي = في راس رجمٍ هيض العين مبـداه

اهل خافـي عبرتـي بانفـرادي = من جور همٍ عيت النفـس تقـواه

واقول ياقلب الخطا مـن تنـادي = وقتٍ بحال الناس هـذي سوايـاه

اشوف وقـتٍ ماعليـه اعتمـادي = رفع الهزيل وعالي الناس وطـاه

مثل الكسيرة في نهار الطـرادي = هذا الزمان اللـي عطانـا مقفـاه

افراحنا اللي في ليالـي العيـادي = اقفت مع وقـتٍ تقافـت مطايـاه

قفا زمـان مخضبيـن الهنـادي = وجا وقت جيلٍ مذهبه ماعرفنـاه

الا نصحت اللي عن الدرب غادي= تبلش الين تسامحه فـي خطايـاه

ان كل زرعٍ مقتفيـه الحصـادي= ينشف ولو هو يجري الماء بمسقاه

وروح الفتـى لابدهـا للنفـادي = نفسك اجلهـا لاقـرب ماتعـداه






ننتقل الى باب النصائح حيث للشاعر عدة قصائد في النصح ونذكر منها مانستطيع :


))طريــــــق الحـــــق ))




يالله يـا مديـر الهبايـب والافـلاك = ياللي دبيـب الـذر ماهـو بخافيـك

ألطـف بعبـدٍ يطلبـك ويتـرجـاك = لا غافـلٍ عنـك ولاهـو بناسـيـك

خليـك يابـن آدم زهيـدٍ بدنـيـاك = ارزاق بقعـا لاتـغـرك وتغـويـك

ان اقبلت تاتيك باضعـاف الاسـلاك = وان دبرت ماعـاد تسمـع مناديـك

لو ساعفت لك ساعةٍ تقطـع رشـاك = واتيّهـك عقـب المعـزه وترميـك

اللي وطا غيرك من النـاس ياطـاك = مامر قدامـك علـى النـاس ياتيـك

اما هلك تصبر علـى حـر فرقـاك = والا انت تصبر عن حبيبك وغاليـك

وتعيش وحدك عقب من عاش ويـاك = تبقى وحيـدٍ دمعـة الـورع تبكيـك

لا تتبع الشيطان باهـداك وارضـاك = يصبح مصابيحك ويمسـي مماسيـك

للشـر مفتـاحٍ وللخيـر صـكـاك = يغويـك ويضلـك وللشـر يهديـك

خـل اتكالـك واعتمـادك بمـولاك = اللي ان وفيت وانجاك وان خنت يهفيك

الرزق عند الله وماكتـب لـك جـاك = لو يعلنون الناس عـن قطعهـم فيـك






والقصيده اطول من كذا ....


((اغنـــم شبابـــك ))




ياويلكم ياهـل العقـول السقيمـه= كلٍ يسجـل فـي كتابـه قبايحـه

يكتب على الانسان ماكان يعملـه = كلٍ حصاده مـن نتايـج فلايحـه

كم شايبٍ شيبه على الصح والنقـا = وكم شايبٍ شيبه تغـرك لويحـه

كم واحدٍ غـره زمانـه ووهقـه = على طريق الشر ناحـت نوايحـه

اغنم شبابـك يابـن آدم وقوتك = واعرف لنفسك دام فرصتك تايحه

لاتقضي ايامك على اللعب والجهل = الآخـره دارك ودنيـاك رايحـه

لارحت من دارٍ بتقصـد لغيرهـا = وفيها عملك مسجلٍ في صفايحـه

ان كان فيهـا طيبـات سوابقـك = كل ٍ دعاك وقـام ينحـر ذبايحـه

واللي يقدم كـل عيـبٍ ومهزلـه = حتى على الابواب تنشر فضايحـه

من طاوع الشيطان والنفس والهوى = اصدق صديقٍ مايطاوع نصايحـه

كل ٍ مـن المعبـود ياخـذ كتابـه = اما بـه الخسـران والا ربايحـه








رحم الله .. الشاعر العلم ...عامر بن حمد بن نوطان ال جابر المري .. وسكنه فسيح جناته

[سلطااان العتيبى]

ابن العقيد






تسلم يمينك على النقل الراقي




تقبل مروري

[الــحـشـاشـــه]

ابــن الــعقيــد

ونتي ونةٍ خلـوجٍ مـع الوقـت العتيـم = وكدت مذبـح ولدهـا وحالـوا دونهـا

حالي اللي راحت اشجار وديانـه هشيـم = مبطـيٍ مازيـد دب الحيـا بغصونهـا

لاجرى ماها ولازيـد حركهـا النسيـم = من بطا الامحـال فيهـا تغيـر لونهـا

كانيٍ مابي وانا مخفـي ٍ شـي ٍ عظيـم = وكل الارض اليوم ضاقت علي ركونها

ياعرب تكفون من كان له قلب ٍ رحيـم = كل نفس ٍ صابها الحـزن لا تقصونهـا

خاطري داروه ياللـي تـدارون اليتيـم = وان بكت عيني من الدمـع لا تنهونهـا

كبدي اللي لاعها خافي الحـزن السقيـم = كـل ماقلنـا تشالـت تزيـد طعونهـا

كل ما بريت جروحي من الحزن القديـم = جيت دار ٍ حايـل ٍ البطـا مـن دونهـا

في الهوى حزات من وصف جنات النعيم = وفيه نار ٍ جملـة الخلـق مـا يقوونهـا

^
^
^

ســبقـتني

الله يــرحم الشاعــــر / عامـر بن نوطـان الـمري

ويعطــيك العافيــه يا ابـن العقيـــد ع الـمجهوود والاختـيارات الرائـــــعه

تــــــقـبل تـــــحياتـي

[العقـ(أبن)ـيد]

معانق حزن:- اررحب يا معانق .. والله يسلمك من كل شر .. ودمت بالخير ..أخي الفاضل


أخـــ؟ـ,,,ـــوكـ/ أبــ؟ـن...العقــــــــــيد\

[العقـ(أبن)ـيد]

المشاركة الأصلية كتبت بواسطة الــحـشـاشـــه

ابــن الــعقيــد

ونتي ونةٍ خلـوجٍ مـع الوقـت العتيـم = وكدت مذبـح ولدهـا وحالـوا دونهـا

حالي اللي راحت اشجار وديانـه هشيـم = مبطـيٍ مازيـد دب الحيـا بغصونهـا

لاجرى ماها ولازيـد حركهـا النسيـم = من بطا الامحـال فيهـا تغيـر لونهـا

كانيٍ مابي وانا مخفـي ٍ شـي ٍ عظيـم = وكل الارض اليوم ضاقت علي ركونها

ياعرب تكفون من كان له قلب ٍ رحيـم = كل نفس ٍ صابها الحـزن لا تقصونهـا

خاطري داروه ياللـي تـدارون اليتيـم = وان بكت عيني من الدمـع لا تنهونهـا

كبدي اللي لاعها خافي الحـزن السقيـم = كـل ماقلنـا تشالـت تزيـد طعونهـا

كل ما بريت جروحي من الحزن القديـم = جيت دار ٍ حايـل ٍ البطـا مـن دونهـا

في الهوى حزات من وصف جنات النعيم = وفيه نار ٍ جملـة الخلـق مـا يقوونهـا

^
^
^

ســبقـتني

الله يــرحم الشاعــــر / عامـر بن نوطـان الـمري

ويعطــيك العافيــه يا ابـن العقيـــد ع الـمجهوود والاختـيارات الرائـــــعه

تــــــقـبل تـــــحياتـي

الحشاشه:-الله يعافيس .. ويسلمس ..طال عمرس ..والجايات أكثر ..لكن نصيحه لكم لحد يحط لعامر وانا موجود لاني بحاول أسبق الكل
ودمتي بالخير يالغاليه

أخــــــــــــوس..أبــــــــ؟ـن ...العقــــــــــ؟ـيد

[سعد بن سريّع]

يعطيك العافيه يا ابن العقيد مجهود تشكر عليه
واختيار موفق منك لعلم من اعلام الساحه الشعبيه ( الله يبيحه )
صح لســــان الشـــاعر وسلمـــت يمينك من النـــار على هذا النقل ..


دمت في ابداع دائم ..


الغناوي

[العقـ(أبن)ـيد]

الغناوي:- الله يعافيك ومرحبابك ... طال عمرك شرفنا مرورك .. ودمت بالخير