الدمعه اللي تكابر فـي طـرف عيني ... يردها المـوق بـس الجفـن حدرهـا
سمعت صوتـك مـع العالـم ينادينـي .... وأزريت لا أردهـا بالعيـن وأسترهـا
وصديت مـا ودي إن النـاس توحينـي ... مثلي يموت ودموعـه صعـب ينثرهـا
يخنقني البوح بـس القلـب يعصينـي ... ويبقى بوسط الصدور وفـي خواطرهـا
الحزن لونـي خفيتـه واضـحٍ فينـي ......... وارد على القلـب والفرحـات صدرهـا
والبسمة اللـي تبينـي بـس تخطينـي ... متى على الله يجيهـا يـوم وأظهرهـا ؟
ألاحي الـورق مـدري هـي تلاحينـي .............. أون وتسـجـع وونـاتـي تكـررهـا
لبيـه يـا ذكرياتـي وأجمـل سنينـي ............... وياقصةٍ عايشـه لـو مـات آخرهـا
وين أنـت يـا أول غرامـي يامعنينـي ........وين أنتِ يا أغلى ذنوب القلب وأطهرها
أصحى و طيفك مـعَ زولـي يبارينـي ......... وأرقد وأشوفك مع أحلامـي تباشرهـا
ما أدري تناسى غصب أو أنـت ناسينـي ... ما أدري عهودك وش اللي صدق غيرها ؟!
واليوم وينك بهـا الدينـا وأنـا وينـي ........... طالت ليالي الفـراق بعيـن ساهرهـا
كم قلت [ توبة ] ترى مـا عـاد تعنينـي .... إن جات للنفس نفسي يمكـن أقدرهـا
واليا أظلم الوقـت هوجاسـي يسرينـي .... ويضيق صدري وكـل أيامـك أذكرهـا
وتبيني أنسى وأنـا مـا عـاد يمدينـي ..... لو شفـت حالـي قسـم بالله تعذرهـا
أصّبـر الحـال فـي قولـت بياتينـي ............. وأنا أدري إنـي اببطـي لـو أصبّرهـا
وقصايدي فـي غيابـك مـا تسلينـي ! ..... لو تطرب الناس تشكي جرح شاعرهـا !
والنفس تشكي زمانٍ صـدق مشقينـي .... حتى أنت ياغلى البشر تبعـد وتحقرهـا
والدمعة الي مـن الوحـده تواسينـي ........... الي مـن آخـر لقـاء بالله خابرهـا ؟!
شفها تكابر وترجف في طـرف عينـي ........ ولاني عقب شوفتك ياالزيـن ذاخرهـا
آتمنى أن تنال أعجابكم..........
القصيده لشاعر:أحمد بن جوفان العجمي
05-06-2010, 05:19 AM
العرض الشجري