حرام ما يدري بها جنس مخلوق

[(جساس)]

أسرآرك اللي بين قلبي وبيني
. . . . . . . حرآم مآ يدري بهآ جنس مخلوق
بعدك لعب بي هآجسي يآ ظنيني
. . . . . الشوق يذبح وأنت تدري وش الشوق
عيني تهل الدمع عزّي لعيني
. . . . . . تشكي لك أهدآبي ويبكي لك الموق
مشتآق أشوفك يآ مبيّح كنيني
. . . . . . وحظي من جروح العنآ عآقني عوق
صمتي ذبحني والألم مآ نسيني
. . . . . . . . . . همٍّ تحدّر بي وهمٍّ رقآ فوق
يقسى زمآني وأنت ترفض تجيني
. . . . . . فرقآك سآقت خآفقي للشقآ سوق
النآر فيني واللهب يعتريني
. . . . . . وأنآ احترق لك غير مآ القلب محروق
أدخل على ربّك فلآ عآد فيني
. . . . . . زود استطآعه شفني أمسيت مخنوق
وإن كنت عآزم رآحلٍ مآ تبيني
. . . . . . احفظ لي حقوقي وابحفظ لك حقوق
واوعدك يبقى السر بينك وبيني
. . . . . . . . والله مآ يدري بنآ أي مخلوق