لاترخصين النفـس يابنـت تكفيـن....بعض البشر مـا يستحـق المـوده

[ناصر العسكر]

السلام عليكم ورحمة الله وبركاته








بدون مقدمات

لاترخصين النفـس يابنـت تكفيـن
بعض البشر مـا يستحـق المـوده


يلعب على كـل العـذارء بحبليـن
ولى الدرك الاسفل يا العزيزه مرده


يجهل اصول العرف والشرع والدين
ضدالمبـادىء والتقالـيـد ضــده


متمرس في مهنته قـد لـه سنيـن
يشدكـم لـه والطـواري تـشـده


مصيونـه عنـه جميـع الفناجيـل
تنشـل يمنـى بالمجالـس تـمـده


لا تامنيـن الـي مواريـه وجهيـن
جعل اليالـى السـود عنـك تلـده


النيه القشـراء لهـا الـف تخميـن
وبعض النوايا المشكلـه مـا تسـده


وده يحقـق رغبـتـه بالملايـيـن
وكوني على صد الخطـر مستعـده


ياغاليه ضـرب الهـواء للمساكيـن
والمصلحه بامر الهواء يبلالمخـده


كل العصـور السالفـه والمحبيـن
راحو معـا مـراح جـدك وجـده


لا تخلطين المـاء يابنـت بالطيـن
الفرق واضـح بيـن عـدك وعـده


انتي الذهب يابنت بالعسـر واليـن
والله يعيـن اللـى غـدا فيـه مـده

اتمنى ان تكون هذه القصيده قد نالت على اعجابكم ..



دمتم بود