قصيدة اعجبتني واحسها عالجرح اقدمها لكم لمبدعنا الشاعر حمود جلوي
من تجربة حبـك وصلت لقناعـة
إذا بغيت إنسان يغليك..خونه
يشتـاق لك أربع وعشرين سـاعه
دامك تخونه شرط تاخـذ عيـونه
أقرب طريقة للوصال ..القطاعه
جرب تغيب أيام ..وطالع جنونه
كل ماطلبته قال : سمع وطاعـه
يبيك لو كل الـخـلايــق يبونه
وإذا عطيته قلبك بصـدق باعـه
يحسبك له ظـامي وميـت بدونه
لأن الوفا في شرع مثله بضاعه
يبيع لو شـاف البشر يشترونه
شفت الغلا ضايع وقمـة ضياعـه
أني عطيتـه ناس مايعـرفونـه
بس وغلاتك يبقى حبك قناعــه
أخون نفسي ..لو أفكر اخونه
06-07-2010, 02:15 PM
العرض الشجري