{..ساافر..}

[بنت زعب]

{.. السلام عليكم ورحمة الله وبركاته ..}

اول موضوع انزله واتمنى انه يعجبكم ...

قصيدة ساافر >> للشااعر خالد رافع العنزي


بعيد دارك لكن القلب مسكنك
مهما بعدت القلب حالف يصونك
مهما تسافر مرتوي منّك البنك
بنك الغلا ماياخذ إلا شجونك
رصيد واحد والمرابح تجي منك
شعاره الدايم حشى مانخونك
وشلون اخونك وانت مالي غنى عنك
والروح ماترتاح لحظات دونك
دونك حياتي ماتساوي ولا فْرنك
وش لي بها لامن خذت غير لونك
دام النِّفَس والنفْس والروح معطنك
شف كيف..حتى لهجتي من فنونك
قالوا قبل "من يجهلك مايثمّنك"
وانت القمر كل البشر يعرفونك
عجْزت موازين الغلا لا توزّنك
غالي واظل اغليك لو يرخصونك
داخل عيونك شفت عشقي بدا منك
لبى حياة العشق داخل عيونك
عشرة عمر لي بيّنت طيب معدنك
ياشيخ..خاف اوصفك ثم يحسدونك
الود ودّي داخل جْفوني احضنك
واقطع يديهم لو بغوا ياصلونك
وانته تسافر ماتبا صيف موطنك
ولايهمّك حال من يعشقونك
سافر سياحه واترك لْقلبي الضنك
واخذ الفرح ..واترك بقايا طعونك
وانا معك مابين يسراك وايمنك
لاتحسب اني بعشقك انسان دونك
ادريك تدري..مير انا قلت أطمّنك
وابدا قبل تبدا حكاية ظنونك
واقول لك في داخل القلب مسكنكـ
مهما بعدت القلب حالف يصونك


تحيتي ...