((تكفوووووووووووون))

[فلاح ال مخلص]

((( جـــفـــول الــبــنــيٌ)))

تباشـري ياقـرة العـيـن! بـرشـاش
تسقي هماليلـه...... عـروق معاطيـش
يسبل على قلبي ؟؟؟ويقبل علـى الجـاش
متكبر سيله يغنـي((( علـى الريـش)))
يلعب ربابه كنـك تقـول لـه(( عـاش))
صوت((( الرعد طبله)( وبرقه دناديش)))
ضنيت عشبـه فـارش الارض بفـراش
واثره يضم اعلوم(((( حمر الطرابيش))))
يقبـل ويقفـي ياسحايـب علـى مـاش
سبع اسنـوات ومـزن بقعـى مراهيـش
مات اشجره واركابي اجيـاع واعطـاش
تتبـع سـراب ولا لفتنـي مطـاريـش
لـو فسـر افلاطـون؟ خيـال حشـاش
استنتـج احساسـه بـروس المناقـيـش
ولـو تجتمـع قلبيـن صـادق وغشـاش
تجمعـت روس الـعـرب بالبخاشـيـش
ياهيـه ياللـي تبغـي اعلومنـا كــاش
التاليـه ماتسـتـوي(( واول الجـيـش))
انا اهنا..(((والمسردي))) من هل الجـاش
من طيب نظمه شـوش الفكـر تشويـش
لاعـاش راس يقبـل الــذل لاعــاش
الموت حق وهو سبب(( لقمـة العيـش))
ربعـي تبيـع الحـال والمـال ببـلاش
عج الرمـك تـوه ((عـوال مداغيـش))
لومات قلبـي حـرك احساسـه ادنـاش
ذكـرى حبيب..مااتناسـاه حتـى ايـش
سيف حدب لاحاش صم الصفـى حـاش
ياوجـد حالـي واسالوني؟علـى ويــش
علـى حبيـب صـد .وارتـد. وانحـاش
ياطيش قلبي في((( جفول البنيٌ))) طيـش
قمت اتوجـد وانخـرش قلبـي اخـراش
علـى فـراق ابـو الجعـود العكاريـش
عـزالله ان حالـي بعـد فرقتـه مـاش
اضحك جبس((تكفووووون))معاد مني ايش