~~ ** لا عــــــــاد تحلــــــم ** ~~

[قبلةالعجمان]

لا عـــــــــاد تــحــــــلـــــــم

--------------



خذها صريحه يارفيق الكآبه
خذها صريحه من خفوق كويته


فرقاك عيد..ياهلا يامرحبا به
لو يذكرك قلبي بكفّي لويته


يا معذبي حزن الفراق أحتفا به
قلب من طعونك نساك ونسيته


قلب نسى ذاته وماضي عذابه
ياما عطاك من الوفا ماعطيته


مبطي تقول الوصل عمرك حيا به
واليوم هجرك دون وصلك نويته


انت السراب اللي وعدني سرابه
عذب القراح بسكـّـتك مالقيته


اسم أحفظه قبل أعرف الكتابه
باكتبه وأثريني نسيت ومحيته


ودّع بامان الله.. مابه غرابه
أسمك نسيته ما اذكر اني قريته


لا عاد تحلم في جميل السحابه
يالحزن لو دمعي رخيص بكيته


بيني وبينك فرق مابه تشابه
فرق الثرى عن نجمك الي سريته


هذا السؤال اللي قتلني جوابه
عجزت ادوّر له عن جواب ولقيته







وسلامتـــكم ...