ياشوق من دونك ظروف حدني............,,,,,,,؟؟؟

[عـآزمـي الـنـقـيـرهـ]

ياشوق من دونك ظـروفٍ حدنـي
وانت الذي مالك بديلٍ مع النـاس
ماقرّبـك كثـر البكـا والتمـنـي
وحبك بقلبي يا الغضي ماله قياس
العام في قربـك ياشـوق متهنـي
واليوم لا والله علينا القـدر داس
حكم القدر خيب ظنونـك وظنـي
وحط بحشا قلبي مع الهم هوجاس
هموم قلبي يا الغضـي نازعنـي
وعقب الهنا قلبي من الهم محتاس
سود الليالي من عناهـن سقنـي
همٍ يحط بكامل العقـل وسـواس
ليت الليالـي بسرهـن صارحنـي
او ليت الليالي بيننا كلها اونـاس
سود الليالـي اضحكنـي ورمنـي
واخذت في بحر الهواجيس مرواس
ايـام هجـرك بالهـوى لوعنـي
وقلبي عقب فرقاك بالهم غطـاس
من عظم جرحٍ بالحشى مستكنـي
عروق قلبي يا اريش العين يباس
سود العيون بسهمهـن صوبنـي
جل الذي سواك يا عدم الاجنـاس
يامـا عيونـك باللقـا واعدنـي
وياما سقني من عنا الحب بالكاس
وياما عيوني من جروحـك بكنـي
ظلمتني يا الترف واقـول لابـاس
امانتـك لاتقطـع الوصـل عنـي
لو طالت الدنيا ترى الناس للناس

@@@@
الشاعر - سالم بن حزمي بن زبن اللميع