المـهــره .! ../ نذبح القعدان , من حظ الخـروف .!

[احمد بن جوفآن]

السلام عليكم ورحمة الله وبركاته

صباح , مساء .. الخير

إرشيفيـَه متواضعـه , عسى ان تحضى بإعجابكم

.

مهرتي , تلعب على قرع الدفـوف=واثقـه في مشيـَها , بـ /لحالها
تدحم الجمعين , وتشق الصفوف .!=وشوَشت .. يوم اعتزى خيـَالها
كنها بتقـول : يا شوق الهنوف=إطلق عناني , وكـف رجالها
ويا ضميري .. لو تخون إبك الظروف=هذي الدنيا .. وهذا حالها
دام راسي حيَ , والجهد مخلوف=ما علي َ .. لو إن تصافق جالها
ذا يصد , و ذا يرد , وذا يشـوف=والكبـود , يسلـَها .. سلالها .!
أرزمت وسط السما ذيك القنوف=و أحيـَت القيعان , من همـَالها
والضيوف أنواع , وأنواع الضيـوف=اللبيـب , يفك عقد حبالها
نذبح القعدان , من حظ الخـروف .!=والحمول الكايده , نشتالها
و حاشم ٍ يمناي , من بعض الكفوف=يوم نفسي .. عارف ٍ منزالها
وكان صمتي سـاد , في بعض الحروف=حشمت العقـَال , يا جهـَالها
ولا شغلت البال , والشك إمحذوف=وخابرين أفعالنا .. وافعالها
عاقل ٍ ينطق .. بحكمة فيلسوف=و يوزن الكلمه , ليامن قالها
وكلمة ٍ طافت .. وهي صعبه تطوف .!=لا تحسب إني .. جهلت احوالها
غير نعطي , للمساكين الضعوف .!=حيلة ٍ , عل و عسى .. تحتالها
ولا ثنينا الساق , من طول الوقوف=ولا بغينا حاجت ٍ .. نسعا لها .!
ولا دخل بـ / صدورنا .. حقد ٍ و خوف .!=ولا حسبنا , دقـَها وجلالها
غن يا راس ٍ , على العليا شغوف=والكبـاير ما خـِلقت , إلى لها .!
ومهرة ٍ من قبلنا , ماهي عسوف=ما عسفها , غير منهو .. نالها
ضامر ٍ فاقت على , كل الوصوف= و هـوَلت كل العقـول , بـ / فالها .!
طبـَت الميدان .. مابين الصفوف .!=و إبرزت .. ثم شامت لـ / خيـَالها

.