مرثيه....في المرحوم مبارك طالب المنصوري,,,

[عايض بن صهيب]

بسم الله الرحمن الرحيم,,,

السلام عليكم ورحمة الله وبركاته,,,مرثيه المرحوم خالي ,,,الشاعر مبارك طالب المنصوري

الله يرحمه ويسكنه الجنه وأموات المسلمين,,,

هلال هل ومن بعده هلال=وأنا دروبي في الحياة طوال
أصارع الدنيا بقوة عزيمه=وصبرً يعديني وسعة بال
وأجاهد النفس الضعيفه وأردها=من خوفت الشمات والعذال
فلا خير في دنياً قليلً وفاها=دنياً تقلب كل يوم لحال
دنياً تعز الاش وطيل عمره=ولاتاخذ الا كل طيب فال
دنياً خذت منا العزيز الوافي=اللي لياجات الحمول ثقال
يبرك لها ويشيل متنه حمولها=عون الرفيق وكاعم العيال
فلا أحد(ن)يلوم الدمعه أليا حدرت =دمعة غلامً فاقد له خال
اللي قضا عمره بطاعة ربه= وبيته لسمحين النبا مدهال
كم مدت الجودات راحة كفه=على الضعيف اللي بدون أمال
وكم جاه محتاجً حدته الحاجه=وأجزل ومدات الكرام جزال
بنا بيوت الله وزكا ماله= على وفا فطره وصدق أفعال
ولاغيرت مبداه كثر فلوسه=ولا ذخر دون الرفيق ريال
مثل المطر يحي الهشيم اليابس=وتخضربه القيعان عقب أمحال
ويثبت ليا جات المواقف عسره=مثل الجبل واللي وراه جبال
كم من عيونً سبلت لفراقه=حتى الورق حزن ودمعه سال
يبكون من فرقا الشجاع الوافي=وافي وأبن وافي وذرب خصال
راح وترك ذكره زباد وعنبر=ولامات من خلف وراه رجال
ويبقا العوض في روسهم من بعده=وألابطال ماترث سوى ألابطال
فجعل المزون اللي تكاشف بروقها=وفيها من خيال الوسوم خيال
تنحي على قبرً يضم عظامه=وترهي عليه بصادق الهمال
تسقي مداهيله وتسقي قبره=وتنبت عليه من النبات أشكال
فيا الله يالمعبود ياقايد الرجاء=يربنا يالواحد المتعال
تعفو عن عبادك ورحمتك واسعه=والحمدلك والشكر وألافضال
فطالبك تغفر له ذنوبه كلها=وتجعل له بجنة عدن منازال
وأنك تضله يا أله بضلك=وتكسيه عن حر الشموس ضلال
وعساه يوم الحشر يحشر مع النبي=ومعا عمر وأبو بكر وبلال
أنت المجيب المستجيب لعبدك=يامنزلً الطور وألانفال
ورضاك يارب العباد وعفوك=هو مطمع المؤمن وراس المال