السلام عليكم
صراحه قريت هالقصيده ما اعرف حق منو.. و ما ادري اذا نعرضت من قبل في هالديوان ولا لا.. صراحه مو متابعه للشعر وايد بس هالقصيده عجبتني وحبيت اشارك فيهاا..
و لو انهاا مكرره اخذواا راحتكم بحذفهاا..
شفتها يا سعود بعد ماغابت ســنين
عند قسم المختبر وسط مشفى الجامعه
جيتها ثم قلت ممكن في سؤالي تسمحين
ناظرت فيني بدهشة نظرة متواضعه
قالت انته تحسبني من بنات صايعين
تحسبني في زماني عن طريقي ضايعه
قلت انا ماراح اطول كلها بس كلمتين
وابعدت عني شويه ثم جتني راجعه
قالت اسأل واضح انك من رجال طيبين
بس هرجك يالسنافي كان وشهو دافعه
قلت انا حبيت وحده يوم حنا صغيرين
ومن ثمان سنين راحت للمواصل قاطعه
عقبها ماذقت نوم يهتنيه النايمين
ساهر في طول ليلي لين شمسي طالعه
اذكر انه فيه حبه فوق ثغره من يمين
واذكر انه لاجرينا كن شعره تابعه
واذكر انه عاشق بالورود و الياسمين
صار قلبي بالورود اللي عشقها زارعـه
طابع اسمه بقلبي فيه سين وفيه عين
وفيه الف وفيه دال وسط قلبي طابعه
قاطعتني بقولها سبحان رب العالمين
كررتها مره ومرتين وثالثه ورابعه
قلت وشبك وشبلاك يابنيه ترجفين
ليش عينك يابنيه من كلامي دامــعه
قالت الموقف وقلبي والمحبة والحنين
كيف اشوفك بعد ماكنت عنك قانـعه
قلت انا بسألك انكانك انتي تذكرين
عن مواثيق ثمنها من حياتي دافعه
قالت ظروف الزمان ماتطيع العاشقـين
بيعوني غصب حبك ولو ماني له بايعه
انا في دنياي حالي كنها حال السجين
حتى لو فكوا سراحه فيه شي مانعه
زوجوني غصب واحد وحرموني حاجتين
السعادة في زماني والحياة الرايعه
والحين انا ام لثلاثه عندي ريم وياسمين
والولد اسمه على اسمك والمشاعر جايعه
09-10-2004, 05:56 AM
العرض الشجري