جـــــــروحـــــ (***الــــــــخـــــيــــــانـــــــهـــ***)

[عـآزمـي الـنـقـيـرهـ]

"]السلام عليكم ورحمة الله وبركاته

هذه القصيده لشاعر النجم

فـــــرحـــــان مـــحــمـــد الــمــلــعــبـــي

اليكم القصيده واتمنى اني وفقت بالاختيار







جروح الخيانه تودع الحي مثل الميت
وأنا جروح قلبي كلها مـن خياناتـك
أنا همت فيك وعن جميع الملا خفيت
غلاك بحشاي وغرني فيك ضحكاتك
تمكن غلاك بوسط قلبـي ولا حنيـت
وذا الحين لاترجع قطار الغلا فاتـك
أنا مانويت أزعل عشانك علي أخطيت
أنا كنت أبيك تحس وتخـف زلاتـك
أنا أبيك تفهمني إليا شفتنـي صديـت
تراني على الزلات مأقوى مجاراتـك
دخيلك مدام إني معك بالغـلا وفيـت
بدرب الهوى حاول تغيـر سياساتـك
أنا أبيك تستوعـب لزلتـك لازليـت
أمانـه أبيـك تعـد ويـاي غلطاتـك
وإذا كنت تبغاني أذكرك وش سويـت
أنـا مستعـد أذكـرك فـي بداياتـك
بديت بغياب وفي غيابك علي أبطيـت
وأشوفك بعد ماجيت غيرت عاداتـك
ياليتك بعد ماغبت من غيبتك ماجيـت
تغيرت حيل وغير الوقـت غاياتـك
خيانه جفا حتى بحبـك بعـد شكيـت
وأنا ماذبحني يالغـلا كـود شكاتـك
وتماديت لين القلب عافك وأنا مليـت
وعقب الغلا والحب بانـت نهاياتـك
مدام إن قلبك بالغـلا مابنالـي بيـت
على ويش ياقلب العنا تنظـم أبياتـك
خلاص أنتهينا مير ياشفتنـي قفيـت
تذكر زمان الحـب وتهـل عبراتـك
تذكر زمانن فيه ياصاحبـي عانيـت
على شان حبك ذقت همك ولوعاتـك
وعقب ماتفارقنا بأعلمك وش خليـت
جروحن بوسط القلب بأسباب طعناتك [/
[نصيحه تفيدك في حياتـك إلياحبيـت
(تبى الناس) لاتكثر على الناس زلاتك"]

***............سلامتكم ................****[/