أحبابك أحبابك .. اللي مالهم غيركـ ..

[الفريض]

أحبابك أحبابك .. اللي مالهم غيركـ
لاعاد تستغرب إن غابو بلا رجعه

ياصاحبي .. ريح احساسك وتفكيركـ
الحب يمسح مثل ماتمسح الدمعه

وش عاد .. غير الجفا ورياح تغييركـ
وش عاد غير الحزن والجرح والفجعه

ياغربة الحب بان اليوم تأثيركـ
ياشينه أسبوعنا .. وأيامه السبعه

لاتطري البعد .. قالتها تعابيركـ
ولاتطري الوصل والآمال منقطعه

ياصاحبي .. قبل شرهاتي وتبريركـ
كانه خذلك الغلا .. ما فالغلا طمعه

عاشقك لو صارت أشواقه معاذيركـ
يمر صوت الغلا فالبال ما سمعه

لامات قدر الغلا .. لاعاش تقديركـ
مادام ينسى الوفا من الوفا طبعه

ياصبح الأحباب لو طارت عصافيركـ
تغريدها حزن والأشواق مصطنعه

سراب الأيام .. ماتصدق مشاويركـ
من خانه السبت .. كيف بيا من الجمعه

هو الزمن ياهوى .. فرق جماهيركـ
والإ الهوى يازمن .. أحزان مجتمعه

ياصاحبي .. والقدر شره غلب خيركـ
أحبابك أحبابك .. وغابوا بلا رجعه