ايـوه قلبي عليك التاع ...

[نايل الظفيري]

السلام عليكم ورحمة الله وبركاته

يتوه الكلام و ما لقى ياعـرب مطّـلاع=وأنا كل ليله أحتـري لحظـة إطلوعـه
كأنه حبيس بداخلـي سجنـه الأضـلاع=وكنّ المشاعر والأحاسيـس ممنوعـه
وأنا الشاعر اللي إعتنق قمّـة الإبـداع=وغيري يكافح لجّل يبـدع بموضوعـه
تعلمّت كيف أكتب قصيدي من الأوجـاع=و أيقنت بإن اللي مضى يصعب إرجوعه
على مركب الأيام مبّحر بـدون شـراع=وليالي الحزن راياتها السـود مرفوعـه
تعاندني الدنيا وأنـا مـن يـرد الصـاع=على المعتدي صاعين بالكاش مدفوعه
أنا أتصنّع الضحكه وأنا خايف ومرتـاع=أسولف وأجامل بإبتسامـات مصنوعـه
لعلّ وعسى في يوم تتّحسـن الأوضـاع=وترتاح نفسي من عنى الوقت والروعه
من اللي فحبّه مابقى لي أمل ما ضاع=وحبال الرجا أمست من البعد مقطوعه
شريتـه ولكنّـه لزرع الغلا بـيّـاع=وأنا كنت أظن الحب بـذره ومزروعـه
لك الله يا مجمول يابـو عيـون وسـاع=ترفّق مدام إن الحشا أعلـن إخضوعـه
أنا إن قلت لك أيّوه قلبي عليـك إلتـاع=تأكّد بـإن القلـب قـد صابتـه لوعـه