( عصف المشاعر )

[نايل الظفيري]

لسلام عليكم ورحمة الله وبركاته

كل عام وانتم بخير , متواضعه لها شرف المرور





مابين عصّف المشاعر وإجتياح الركود
تمرّد الشعر فيني مـن هنـاك وهنـا


شاعر وكنّ الجزاله في قصيدي تزود
لا من عسفّت الفرايد في خيالـي أنـا


أرقى بفكري سنود الفكر يرقى سنـود
إلين نجم اليمانـي مـن علّـوي دنـا


أقدّر اللي يقدّر مـا أطيـق الجحـود
ولا احترم شخص فيه الطيب ذاب وفنا


حتى لو إني فقير وما بجيبـي نقـود
لكنّ في عزتي بالنفـس فاحـش غنـا


الوقت أوتار عمري والمقاديـر عـود
يعزف على نوتة الأيـام لحـن العنـا


الحب جمره ولكن ماتعـرف الخمـود
والبعد عايش ولكـن المواصـل طنـا


والجادل اللي غلاها محتشد بي حشود
لبى غنجها وذاك الخصر يـوم إنثنـا


جمالها ما خلق زيّـه بهـذا الوجـود
طلّـة تبسامهـا مـا كنّـه إلا السنـا


عنود لا كنّهـا ماهيـب أيّـت عنـود
تسوى بعيني( جواهر ) و ( إبتهـال ) و ( رنـا )


قولوا لها يوم هب الشوق نسناس نـود
تمرّد الشعر فينـي مـن هنـاك لهنـا