امنتك الله على البرواز والصوره

[السياسي]

قالت وهي من قسا الايام مكسـوره=ما كل حلمٍ يحقـق يانظـر عينـي

شفني بكيتك وانا اللي منك مقهـوره=رغم انني عارفه مـا راح تبكينـي

وانا الذي من ثلاث سنيـن مثبـوره=ويفز قلبـي ليـا خلتـك تنادينـي

اجيك لا قلت يـا(.....) مطيـوره=في كف قلبي وف الاخرى شراينـي

واقـول ياقبلـة العشـاق معـذوره=بموت واحيـا عشانـه دام يغلينـي

ما كني الا مع حضرتـك مأسـوره=كله على شان باكـر مـا تخلينـي

لعبت فيني سوات ملاعـب الكـوره=وانا الذي كنت احسب انك تواسيني

ورغم ان في خاطرك فرقاي مقدوره=انا الذي في فراقك ماتـت سنينـي

ادري غشيمه ومتروكـه ومحقـوره=وادري مقابيل وقتي مـا تدارينـي
.
بس ان بكيتك تراني ابكيك مجبوره=مدام لا مات شوق القلـب تحيينـي

اموت واحيا ليا من قلت مشكـوره=ولا غيرك احدٍ من العالـم يسلينـي

بذكّرك في سنين الوقـت وشهـوره=يمكن تهّون عـن الفرقـا وتبقينـي

تذكر ليا من جرحتك قلت يالعـوره=روحي ثلاثـة ليالـي لا تحاكينـي

وان جيت لك بتأسف قلت يالحـوره=تبوسمـي وابتسامـاتـك تكفيـنـي

تضحك وتبكي وهي تهرج ومكسوره=وتقول ودعتـك الله يانظـر عينـي

وامنتك الله على البرواز والصـوره=ترى دموعي على البرواز تعنينـي

ولا شفتها ياحبيب الـروح منثـوره=حقٍ على حضرتك بوفايـة الدينـي

ما راح اقول الهوى شرعه ودستوره=بقول تكفـا تنـازل يـوم وابكينـي

وراحت وهي من عنا الايام معثوره=وانا الذي طاعنن نفسـي بسكينـي

وياذيب تكفا تعـال نجـدد الثـوره=لحيث لا نحت لك ياذيـب توحينـي

حرام ما هي ترى ياذيب محقـوره=وهي هواها تمركز فـي شراينـي

ابعدتها قصدي ان لا دارت الـدوره=ما اروح واترك لها باقي سكاكينـي

وياذيب ياحظ منهو يظهر شعـوره= لحيث كتم المشاعـر قـام يكوينـي

وهي توصي على البرواز والصوره=رح قلهـا يارفيقـي لا توصيـنـي

الشاعر محمد الميع


السياسي