للحين ما جفّت عيون ( الصباحية ) !!!

[مـح,مـد بـن راشـد]

تــشــرح حالها !


بعد غابت الحكمة، وسادت شريعة غاب
عسى الله يــــردّ الشرّ ويـهــدّ راعـيّه

عيون ( الصليبيخات ) تبكي على النوّاب
وللحين ما جفّت عيون ( الصباحية ) !!!

ترى العنصريّه شرّ واخطر من الإرهاب
وسلاح العصر هذا : محطّة فضائيـــة !

وقبل لا تزيلون الفتن زيلوا الأسباب !!
بعدها تشـــوفـــون الـعلاقات ودّيـــة !!

وحكومة تعزّ النقص ، وتصدّق الكذاب
فلا هي حــــكومـتنـــا ولا هيب شـــرعـيّـة !!

وجـــيــشٍ يهين الشعب ؟ ويسالم الأغراب ؟؟
ما شفنا فـــعــوله بالجيوش العراقـــيـــة !!

وطاعة وليّ الأمر نحسب لها الف حساب
الأحاديـــث عنها في الصـــحيحيـــن مــرويّــة !

ولو انّ الولا جنسيّة .. اش جنّس الاحزاب ؟؟!!
(( لـــكـــنّ الــــولا للدار مــا هوب جــــنسيّـــة ))

كــــويتــــي ، ولــي في كلّ ديرة ربع وأحباب
من جبال حايــــل للشــــواطي العــــمانيّـــة

و جــميــل السعودية عن الذاكرة ما غاب
( نـــســى الله من يــنـســـى جميــل السعودية )!

( نـــعــم مـــزدوج ) ! لانيب خايف ولا مرتاب
( إذا كـان حـــــبّـــي للخـــليــــج ازدواجيّـــــة ) !

جمعنا بهم دين ، وعوايد ، واصل ، وانساب
ولا فــــرّقــتنــــا إلا الحدود الســــياســـيّـــة !