يا ليل سامرني ترى وضعي خطير

[السياسي]

يا ليل سامرني .. تـرا وضعـي خطيـر=والعيـن هلّـت دمعهـا دمـعً غـزيـر



بالله جاوبـنـي وزودنـــي صـبــر=لا صارت حظوظي علـى فـيّ وهجيـر



الهـم الاسـود مــا تــداوى علـتـه=والصبـر مفتـاح الفـرج , والله يجيـر



مـن أولـىّ هـمـي يبـاعـد علـتـي=والحين صـار الهـم فـي قلبـي أسيـر



لـو المـدى جملـة حـمـول القافـلـه=كان الحمل يركـى علـى ظهـر البعيـر



ميـر البـلا طعـن السيـوف الموجعـه=من صاحـبً غالـي ولـه قـدرً كبيـر



يـا صاحبـي مكنّتهـا وسـط الحـشـا=ياتي لها في صدري (الصامـت ) هديـر



طعنتنـي وآجعتـنـي مــن طعنـتـك= ويش السبب يا(الزير) في طعنة (جبير) ؟؟



رفعتهـا .. طمنّتهـا .. مـالـك عــذر=الشـوك عمـره ماظهـر منّـه حـريـر



قــد قالـهـا الاول وانــا بقـولـهـا=( عيب المدينه صـار فالحـي الصغيـر)



واللـي بمالـه يفتخـر بأنـه غـنـي !=ونفسـه فقيـره مــا يـعـد الإ فقـيـر



حيـل الله أقـوى يالغصـون المـورقـه=لا هـزّك الغربـي , يباشرنـي بخـيـر



مـابـه يـديـن الا يــد الله فـوقـهـا=ميـر البـلا يا(ليـل) تحديـد المصيـر

الشاعر فهد صلبوخ


السياسي

[ابوحمد الشامري]

لا هنت يا السياسي على هذه القصيدة الرائعة والمعبرة اختيار جميل يا السنافي.

ابوحمد الشامري

[راكان اليامي]

لاهنت يالسياسي وصح الله لسانك ولسان الصلبوخ

[سمو الامير]

لاهنت يالسياسي وصح الله لسانك


ولسان الشاعر ابن صلبوخ

[السياسي]

يا مرحبا يا بوحمد وصح بدنك ولا هنت


السياسي

[السياسي]

ارحب يا راكان ولا هنت على حضورك زصح بدنك


السياسي

[السياسي]

سمو الأمير مرحبا بك يا السنافي ولا هنت على حضورك

السياسي

[شيهـــاااانه]

صح لسانك ولسان قايل القصيده بصراحه قصيده جزله وطرح جيد لموضوع

الخيانه,,,, يعطيك العافيه,,,

[السياسي]

يا مرحبا يا شيهاااانه وصح بدنش ولا هنتي على الحضور


السياسي

[محمد أبو زيد]

واللـي بمالـه يفتخـر بأنـه غـنـي ونفسـه فقيـره مـا يـعـد الإ فقـيـر



حيـل الله أقـوى يالغصـون المـورقـه لا هـزّك الغربـي , يباشرنـي بخـيـر



مـابـه يـديـن الا يــد الله فـوقـهـا ميـر البـلا يا(ليـل) تحديـد المصـيـر


ياسلام ياسلام


السياسي صح السانك


والسان فهد صلبووخ ولاهنت على الاختيار الجميل



سجل متابعتي لاهنت