رديَه رديَه رديَه

[مطلق الخالدي]

هذه رديه بين الشاعرين
فلاح حسين الزعبي
و فهيد بن عوينان الزعبي

القصيده الاولى للشاعر فلاح
ويقووول::

يافهيد وشهي حكمة الله في الجبال
مادامها دايم ترز قنوفها

بعلمك وشهي وبالله الاتكال
الي خلقها وظهرت بوصوفها

احد(ن)يراها خلق واحد(ن)لايزال
يمرها مثل العمى ويطوفها

وانا اشوف ان الجبل مثل الرجال
اهل العلوم الغانمه برفوفها

ضلع(ن)يذري من ذواريت الرمال
ريف الخوي اليا نزل بكفوفها

واشد منها شوفت الضلع الهيال
ضلع (ن)يوردك الضحى بحتوفها

لاهوب راسي وان رسى فيه الهزال
خلفت اجاويد(ن) تحذف انطوفها

والله يامرقاد الضحى قبل الزوال
اخير من بعض الوجيه وشوفها

والله يامجلاس(ن) برعيان الحلال
اخير من مجلس لغى ملقوفها

مقابل الرديان وانصاف العيال
وجه(ن) يقابلهم لابد يعوفها

اهل المصالح والنذاله والخمال
الي على الزله تدق دفوفها

اضرب على الكايد اليا جالك مجال
وحذراك في بعض الهروج تروفها

امارقى علمه على روس الطوال
والرايه البيضاء زمى معروفها

والا نزل هايب وهيَاب النزال
يعد من قوم(ن)تحن كفوفها

ورد الشاعر فهيد عليه بهذه القصيده

يامرحبا من عقب ماجالي مجال
في الساحه الي رحبت بضيوفها

ترحيبت(ن)فوق الوصف وايضا الخيال
تقلط على ابن حسين يوم تشوفها

الوافي الشامخ واعده راس مال
لاقامت الدنيا تسل سيوفها

فلاح تعجز عن مواقيفه رجال
اليا شكتله عالم(ن)بظروفها

وانا صحيبك في معاسير الليال
محد(ن)ضمنها والبلا في صدوفها

وترى الجبل ماينربط فيه الحبال
الناس قامت تدحمه بكتوفها

قال الجبل ماهمني كثر الخبال
وترى المهبل قافلين بلوفها

الله عطاني قوت(ن) مع وسع بال
وحتى العبايه ناتفين(ن) صوفها

وبعض العرب تعبان ودواه العقال
في مرتع(ن) كل الذياب تحوفها

واللي نجى منهم يجي تحت الظلال
مرقوعت(ن) قلوبهم من خوفها

والبعض الاخر يعجبك في كل حال
اهل المراجل والكرم بصنوفها

الله يخليهم مع قروم العيال
اللي تجملها فعول كفوفها


واعتذر لكم على الاطاله

تقبلو تحياتي
مطلق الخالدي

[الفريض]

صح لسانك ولسان الشاعرين
ولاهنت ع النقل ارائع
تحيــــــــــــــــــــــــــــــاتي ،،

[مـح,مـد بـن راشـد]

صح لسانك ولسان الشاعرين

ولاهنت ع النقل الرائع

تحيــــــــــــــــــــــــــــــاتي ،،

[مطلق الخالدي]

صح لسانك ولسان الشاعرين
ولاهنت ع النقل ارائع
تحيــــــــــــــــــــــــــــــاتي ،،

ــــــــــــــــــــــــــــــــــــــــ
يعطيك العافيه على المرور العطر
اخووووي
الفريض

[مطلق الخالدي]

صح لسانك ولسان الشاعرين
ولاهنت ع النقل ارائع
تحيــــــــــــــــــــــــــــــاتي ،،

ــــــــــــــــــــــــــــــــــــــــ
يعطيك العافيه على المرور العطر
اخووووي
محمد بن راشد

[عيون الطنايا]

صح لسانك ولسانهم ..
وقصيده رائعه ..
تسلم يدك على النقل ..
تحياتي لك ...

[مطلق الخالدي]

صح لسانك ولسانهم ..
وقصيده رائعه ..
تسلم يدك على النقل ..
تحياتي لك ...

ــــــــــــــــــــــــــــــــــ
يعطيك العافيه على المرور العطر
اختي
عيون الطنايا

[مبارك مقيت]

لا هنت ع القـــــــــــــــــصيدة وتقبل المرور

[مطلق الخالدي]

لا هنت ع القـــــــــــــــــصيدة وتقبل المرور

ــــــــــــــــــــــــــــــــــــــــ
يعطيك العافيه على المرور العطر
اخووووي
مبارك مقيت