ترى العمر راح ولا بقى منه غير اشـوي
والاعمـار بيـد الله والاعمـار موقوتـه
الانسان غافل دامه يشـوف نفسـه حـي
وذا مات ويش اللي بينفعـه فـي موتـه
يحط بقبر موحش ومظلم ولا بـه ضـي
ويسمع قريـع انعالهـم وسـط تابوتـه
ويسأل من الله والنبي ويش دينـك كـي
يقومـون بامـر الله باقـوال مثبـوتـه
الاعمال محفوظه من الحسن والا السـي
والاقـوال والنيـات ماهيـب مفلـوتـه
واذا اهمل عمود الديـن فالحـظ متـردي
وذا مات فات الفـوت ماينفعـه صوتـه
أضاعوا الصلاة ومالهم غير وادي ( غي )
شراب ٍ حميم وشوك زقـوم مـن قوتـه
اذا جاك يوم الدين مابـه حـد ٍ مكسـي
ترى الشمس قدر الميل والناس مشتوتـه
حد ٍ ضلله ربـه اضـلال وبـراد وفـي
وحد ٍ ماعليه اضـلال واحـوال ممقوتـه
اذا التفت السيقان وشاب الطفـل وبلـي
يشوف الحشر واهـوال وقبـور منكوتـه
بيوم ٍ لا تملك نفس نفس ٍ ولا من شـي
بيومن ٍ به اهل الفسق والخزي مشموتـه
في يوم السماء مثل السجل تنطويله طـي
وذا زلزل الله لـرض مـدت ومسحوتـه
وفوق الصراط الناس تحبي وحد يمشـي
وحـد بـرق والباقيـن فالنـار مكتوتـه
الانسان غافل دامه يشـوف نفسـه حـي
وذا مات ويش اللي بينفعـه فـي موتـه
16-01-2011, 04:16 PM
العرض الشجري