بسم الله الرحمن الرحيم ياجماعه القصيده مو لي للي عنده شكوى يكلم حمد السعيد
سبع الصنايع لاكن البخت ضايع
لا خانتك الدنيا قال عادت البنت
دنيا وفيه من العذارى طبايع
من كثر ما جربت امنت وايقنت
الطيب بالدنيا وبالبنت ضايع
لاهنت يا قلب شكى الضيم لاهنت
من دنيتك ضاقت عليك الوسايع
كم كنت قاسي لكن من الزمن لنت
اليا اطلقك لايع تقفاك لايع
رغم السنين وخبرتك ما تمكنت
رايح حياتك بين شاري وبايع
الحظ كم عاند من الناس حتى انت
ما طاعك من الحظ يا قلب طايع
وكم شانت وجيه الرفاقه ولاشنت
خابرك يا قلبي تحب الرفايع
وفيت معهم واكثر من الوفاء كنت
والغدر بين الناس هل وقت شايع
اسرفت باخلاصك وطيبك ولاخنت
مع دنيتك جربت سبع الشرايع
كن المثل يا قلب راكب عليك انت
سبع الصنايع لاكن البخت ضايع
18-02-2011, 09:35 PM
العرض الشجري