اي و الله اني حزين و ضآيقً صدري ../..و بعيني آلضيقه آلمجنون يقرآهآ ..!

[الفريض]

مــدخــل .. !



ياصاحبي ..من قبل تقفي مـع الغيـر
أنا أدري أنك يوم.. قفيـت مغصـوب



ماقلت لك عطني.. على البعـد تبريـر
عذرٍ على فرقاك ..ماهـو بمرغـوب



أبيك لامـن غبـت ..تذكرنـي بخيـر
وتقول خاويته ..ولا فيـه عـذروب..

فرحـات الايـام فيهـا خافـقـي عـبـري
................و يـا طيبهـا لا وقفـت لـه لا تمنٌـاهـا



ملْيت من كثر مـا أجامـل و مـن صبـري
................حزن(ن) و ضيقه وأشـوف القلـب خاوهـا



إي و الله إني حزين و ضايـق(ن) صـدري
................و بعينـي ( الضيقـه ) المجنـون يقراهـا



حسبي على رماح بقعـآ نيشنـت ظهـري
................وقتـي رماهـا نواهـا بـي و لا أخطاهـا



سهرت ليلي ولـه تـوُ مـا جبـر كسـري
................حسبي على الليـل يومـه جـآب طرياهـا



إللي غلاها سكـن بـي و اعتلـى قصـري
................شعـب المشاعـر لحكـم القلـب زكْـاهـا



هي قمُة العشق,,,هي شمسي,,,و هي بدري
................هي عذبة الطبع,,,و أغلى الغيد,,, وأحلاها



إحساسي,,, و كل ناسي,,,نبضي,,,و شعري
................بأنفاسي ,,,لو زاد يآسـي صعبـه أنساهـا



مـن بـرد الايـام جانـي بردهـا بـدري
................و البـرد تـوٌه و لكـن بــرد ذكـراهـا



هي تـدري إن الغـلا بآقـي و أنـا أدري
................إنها علـى العهـد مـا خانـت و لا جاهـا



و إن القصآيـد تباكـى كـل مـا تـطـري
................و إللي ذبح عـزم صبري...حرقـة بكاهـا



ما أقـول حالـي عقبهـا نآحـل و مبـري
................لكـنْـي أقــول : إن الـمـوت فرقـاهـا



أسامـر النجمـه اللـي ضوُهـا يـسـري
................و اليـا بـرق طيفهـا.. ذا الدمـع حيٌاهـا



(عزْااه) قـد قلتهـا و قـد قالهـا شعـري
................و ببقـى أقولـه اليـن امـوت (عزْااهـا)



ما أظن به اوفى من ايديني علـى جمـري
................ما تبغي ( الجمر ) بس ( الجمـر) يبغاهـا



و ياللـي تقـول المحبٌـه نزٌلـت قــدري
................الراس مرفـوع عـن نفسـك و شرواهـا



لا تقول : عادك صغير و منت فـي كبـري.
................الكبـر فالرجـل عقلـه << جـآك معناهـا



يسقى زمان الغرام ,,,الوافـي,,, العـذري
................يالله عسـى مـن كثيـر الهـم ترعـاهـا



عليه انا وجد حالـي وجـد إبـن حمـري
................لا جرٌها ( يـا وجـودي ) و إنتثـر ماهـا




لــ محمـد العــزام

مـــخــرج .. !



أسرفت بي .. يوم إنك زٍدت بتغلٌيك
و أقفيت منٌي.. و الحنآيآ على ثرك..!



و ردٌيت لي مهموم .. و الشوق حاديك
ثم شفتني واقف على الدرب ..ناطرك