~~ يالطنايا حياة اليوم ملعونة ~~

[طـيـر شـلـوى]

السلام عليكم ورحمة الله وبركاته


حبيت أنهي مشاركاتي بمنتداكم الآكثر من رائع لأسباب خاصه ، ووضعت بين أيديكم هذه القصيده للشاعر : عويّد القرقشي ، والآكثريه رجحوا سببها لآنتهاء حكم آل رشيد من نجد وحائل ، مما دعى الشاعر للتذكير بأمجاد الماضي
وان الجزيره لم تؤخذ إلا بالدم الحمر ، إليكم القصيدة : -



راكب اللي تسوق الكور بمتونه
بنت حر ٍ عريب الساس نعماني

مثل شب أشتعال الجمر بعيونه
السفايف يلوقن فوق الأمتاني

أركبه يسألونك من يشوفونه
قل لشمر وعد الهرج بلساني

يا الطنايا حياة اليوم ملعونه
بالجزيرة صفيتوا تقل جيراني

داركم لعن أبوكم لا تخلونه
مشترينه بدم أرقاب صبياني

يوم كنتوا حياض الموت تردونه
ما سكن به صديق بجلد قوماني

السطر والمراجل كيف تنسونه
كيف الأول تحول وأنقلب ثاني

لا وعايد ولا غياب ترجونه
صابرين ٍ نشوف الصبر حقراني

البنادق عليش اليوم تشرونه
حاربوا وأذبحوا به بعض الأركاني

درهم الشيخ والزهيد يتلونه
حلو قفوا الطنايا صوت فرحاني

لذته كان كثر الذبح بركونه
مثل نجد ٍ جرابه ذبح الأخواني

وكان قلتوا تهون المشكله هونه
من تجر بالمذله دوم خسراني

أن فعلتوا عملتوا ما تريدونه
وأن قعتوا خسرتوا هاف بستاني

وسلامتكم
،
،

وكل عام وأنتم بألف خير
،،،

،،

،

تقبلوا خالص تحيات أخوكم : سلطان الشمري