مره وانا جالس غدتلي طواريك...

[استكثرك...!]

السلآم عليكم ؤرحمه الله ؤبركآته ..

بعد غياب فترة عن القسم حبيت اشارك بقصيدة


مره وانا جالس غدتلي طواريك
طريت في بالي وأنا مانسيتك

قمت اتذكر كيف تزعل وأراضيك
وشلون من وسط نسياني طريتك

ياليتني القاك وأجلس وأحاكيك
وعلمك وشلون كلي هويتك

واليا خلصت برجوك تسمح بوصيك
اسمع وصاتي دامني ماجفيتك

ابيك ترجع لي ترى حيل باغيك
ليتك تحس برغبتي فيك ليتك

تبي دليل اني عشقتك وشااريك
من رحت عني كل ليله بكيتك

سهران طول الليل وعيني تراعيك
ومن زود حبي واقفن عند بيتك

ارحم خفووقي عند بابك يناديك
يبيك تعطي مثل ما أنا عطيتك

ابيع لجلك باقي الناس وشريك
ومهما توجهني ترى ماعصيتك

هاذي سيووفك باينه بين اياديك
لبيت دعوتها لهمي وجيتك



اتمنى ان تحؤؤز ع رضآكم ..